पाल्पा, जेठ १८ कर्णेल उजिरसिंह पाल्पा गोल्ड कप फुटबल प्रतियोगिता अन्र्तरगत आज भएको खेलमा स्वयम्भु क्लब काठमाडौं बिजयी भएको छ । आज सम्पन्न खेलमा बिष्णु पादुका पोखरालाई २–१ गोलले पराजित गर्दै स्वयम्भु क्लब काठमाडौं बिजयी भएको हो । खेलको पहिलो हापको २८ र ४१ मीनेटमा स्वयम्भु क्लबका उत्तम शाहीले गोल गरेर स्वयम्भु क्लब काठमाडौंलाई अग्रता दिलाए ।
दोस्रो हापको २१ औं मीनेटमा बिष्णु पादुका पोखराका दृश्य गुरुङ्गले एक गोल फर्कए पनि त्यो जीतका लागि प्रयाप्त हुन सकेन । दोस्रो हापमा काठमाडौं बिरुद्ध आक्रामक खेलेको पोखराले पोस्टमा पटक पटक प्रहार गरेपनी गोलमा परिणत नहुदा बिष्णु पादुका पोखरा पराजीत हुन पुग्यो । खेलमा २ गोल गरेका स्वयम्भु क्लब काठमाडौंका उत्तम शाही म्यान अफ द म्याच भए । उनले नगद तीन हजार प्राप्त गरे । भोलीको खेल पाल्पा ११ र फोर्थ ब्रदर्श क्लब नवलपरासी बीच हुने जिल्ला फुटवल संघ पाल्पाले जनाएको छ ।
