पाल्पा । पहिरोका कारण बुटवल पाल्पा सडक अवरुद्ध भएको छ । राजमार्ग सुरक्षा तथा ट्राफिक व्यवस्थापन कार्यालय बुटवलका अनुसा विहान करिब पौने ८ बजेदेखि सडक अवरुद्ध भएको हो ।
पाल्पाको तिनाउ–३ स्थित निर्माणधिन सुरुङमार्गको रिपनजिकै पहिरोले सडक पुरिएको छ । सडक अवरुद्ध भएपटि बुटवलदेखि पाल्पा, गुल्मी, स्याङ्जा, पोखरा लगायत ठाउँका लागि छुटेका सवारीहरु बीच बाटोमै अलपत्र परेका छन् भने ती स्थानहरुबाट आएका सवार साधनहरु पनि बीचमै अलपत्र परेका छन् । पहिरलाई हटाएर सडक खुलाउने प्रयास जारी रहेको प्रहरीले जनाएको छ ।
