तानसेन।पाल्पास्थित कालीगण्डकी नदी किनारमा एक पुरुषको शव फेला परेको छ । जिल्लाको तानसेन नगरपालिका–१४, दुमैस्थित कालीगण्डकी नदी किनारमा रिब्दीकोट गाउँपालिका–३, मालमुलका ६७ वर्षीय होमबहादुर खत्री मृत अवस्थामा फेला परेको प्रहरीले जनाएको छ ।
जिल्ला प्रहरी कार्यालय पाल्पाका अनुसार मङ्सिर ५ गते घरबाट बिना जानकारी बेपत्ता भएका खत्रीको खोजतलास गर्ने क्रममा बिहीबार बेलुकी ४ बजेतिर कालीगण्डकी नदीमा फेला परेको हो ।
जिल्ला प्रहरी कार्यालय पाल्पाका प्रहरी निरीक्षक सन्तोष चन्दका अनुसार मृतकको शवलाई पोस्टमार्टमका लागि पाल्पा अस्पताल पठाएर थप अनुसन्धान जारी रहेको छ।
