तानसेन। पाल्पा सदरमुकाम तानसेनमा आजदेखि नगर स्तरीय ‘प्रथम क्रिकेट प्रतियोगिता’ सुरु भएको छ । तानसेन नगरपालिकाको आयोजनामा पहिलो पटक क्रिकेट प्रतियोगिता सुरु भएको हो । पहिलो खेलमा तानसेन नगरपालिका वडा नं–३, विजयी भएको छ । उद्घाटन खेलमा तानसेन–२ लाई सात विकेटले हराउँदै तानसेन–३, विजयी बनेको नगर खेलकुद विकास समितिका संयोजक हेमन्तराज शाक्यले जानकारी दिए।
प्रतियोगितामा १४ समूहको सहभागिता जनाएका छन् । विजेताले ट्रफीसहित नगद ६० हजार र उपविजेताले ३० हजार पाउने संयोजक शाक्यले बताए ।
प्रतियोगितामा उपविजेताले ३० हजार, म्यान अफ दि सिरिजले उत्कृष्ट ब्याट्सम्यान, उत्कृष्ट बलर, उत्कृष्ट विकेटकिपर, उत्कृष्ट फिल्डर तथा प्रत्येक खेलको म्यान अफ दि म्याचले नगदसहितका पुरस्कार पाउने आयोजकले जनाएको छ ।
