पाल्पा – जिल्लाको रैनादेवी छहरामा एक जना पुरुषको लडेर मृत्यु भएको छ । रैनादेवी छहरा–१, बर्दिस्थित रिडी खोलामा हिड्ने क्रमा मंगलबार ३ बजेतिर लडेर गुल्मी जिल्ला छत्रकोट गाउँपालिका–५, मानकोटका ४० वर्षका निर्मल कुमालको मृत्यु भएको प्रहरीले जनाएको छ ।
रिडी खोला किनारमा हिँडेका बेला कुमाल ६ मिटर तल नदीमा खस्नुभएको थियो । घटनाको बारेमा थप अनुसन्धान भइरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।
