पाल्पा । तानसेन पाल्पा जेसीज वर्ष २०२४ को आयोजनामा संचालन गरिएको ‘जेसिज सप्ताह’ भव्यताका साथ सम्पन्न भएको छ । जेसिज वार्षिक योजना अन्र्तरगत साउन ४ गतेदेखि सञ्चालन भएको जेसिज सप्ताह साताव्यापी कार्यक्रम गरी सकिएको हो । शासन व्यक्तिको होेईन विधीको हुनुपर्दछ भन्ने मुल नाराका साथ शुरु भएको जेसिज सप्ताहबाट एक हप्ता भरिे तानसेन नगरपालिकाको वडा नं. १ देखी ७ सम्मका टोलविकास संस्थामा आवद्ध महिलाहरु प्रत्यक्ष लाभान्वित भएका छन् ।
कार्यक्रममा नगरपालिकाको ७ वटा वडाका टोल विकास संस्थाका महिलाहरुको व्यक्ति, नेतृत्व विकास र उनीहरुलाई उद्यमशिलतामा अग्रसर बनाउने गरी प्रशिक्षकहरुले प्रशिक्षण दिएका थिए । महिलाहरुलाई क्षमतावान बनाउने, आफ्ना कुरा निर्धक्कसँग राख्न सक्ने गरी क्षमता बढाउने, हरेक विषयबस्तुमा वादविवाद गर्न सक्ने बनाउने, एकले अर्को प्रति प्रश्न गर्न सक्ने बनाउने गरी प्रशिक्षण केन्द्रित रहेको पाल्पा जेसिजका अध्यक्ष अर्जुन कार्कीले बताउनु भयो ।
कार्यक्रममा बोल्दै प्रमुख अतिथी तानसेन नगरपालिकाका प्रमुख प्रशासकीय अधिकृत हरिराम नागिलाले जेसिज बास्तवमा अभिभावक जस्तै रहेका बताउनु भयो । उहाँले युवाको पक्षमा रहेर काम गरिरहेको जेसिजले बास्तमा युवाहरुलाई सहि दिशा तर्फ अगाडी बढाइरहेको आफुले पाएको बताउनु भयो । पाल्पा जेसिजले गर्ने कामले सम्रग तानसेन नगरपालिकाको शिर उच्च हुने हुदा ब्यक्तिगत रुपमा र नगरपालिकाको तर्फवाट हुने सहयोग जुनसुकै बेला पनि गर्न तयार बताउनु भयो ।
कार्यक्रममा तानसेन नगरपालिका– ३ का अध्यक्ष बाबुरत्न शाक्यले महिलाहरुले लिएको तालिम व्यवहारमा पनि ल्याउनु पर्नेमा दिनुपर्ने बताउनु भयो । जेसिजले गरेको कार्यक्रमले महिलाहरुमा आत्मविश्वास दिने उहाँको भनाई थियो ।
पाल्पा उद्योग वाणिज्य संघका अध्यक्ष शैलेन्द्र भट्टराईले पाल्पा जेसीजलाई तालिम केन्द्रको रुपमा विस्तार गर्नुपर्ने बताउनु भयो ।
तानसेनका संस्थाहरुमा नगरको विकासलाई उच्च स्थानमा पुर्याउने क्षमता र जोशजागर भएकाले यस्तो कार्यक्रमले थप सिकाई भएको बताउदै ‘जेसिज सप्ताह’ सुरु गरेकोमा पाल्पा जेसिजलाई धन्यावाद दिनुभयो ।
कार्यक्रममा पाल्पा जेसिजका पूूर्व अध्यक्ष बुद्धि प्रसाद शर्माले पाल्पामा जेसिजले थुप्रै चुनौतीका बाबजुत आफु र आफ्नो टिमको धेरै मेहेनतवाट पाल्पा जेसिजको स्थापना गरिएको बताउदै, जेसिजको स्थापना गरेर र जेसिजमा लागेर मात्र केहि नहुने हुदा आफुलाई सहि दिशा तर्फ अघि बढाउन सबैभन्दा पहिला सहि सोच बिचारका साथ यसबारे ज्ञान प्राप्त गर्नुसक्नु पर्ने बताउनु भयो । जेसिज सप्ताह अन्र्तगत अहिले पाल्पामा जेसिजले युवाहरुको क्षमता विकासमा क्रियाशिल भएर काम गरेकाले आफुलाई खुसी लागेको बताउनु भयो ।
कार्यक्रममा पाल्पा जेसिजका अध्यक्ष अर्जुन कार्र्कीले ‘जेसिज सप्ताह’ सफलताका साथ सम्पन्न गराउन सहयोग गर्ने सबैलाई धन्यवाद दिनुभयो । जेसिज सदैब युवा र समाजका लागि काम गर्ने हुदा यो सप्ताहका सातै दिन पनि समाजका लागि बिताएको उहाँको भनाई छ । सामाजिक कार्य संगै युवाहरुमा सकारात्मक सोचको विकास गरि सहि बाटो तर्फ अघि बढाउन जेसीजले सधै काम गरिरहने अध्यक्ष अर्जुन कार्र्कीले बताउनु भयो ।
कार्यक्रममा प्रशिक्षक कला दाहाल र एञ्जिला खनालले उद्यमशिलता, महिला नेतृत्व कसरी विकास गर्ने सामान्य आयआर्जनमा लागेका महिलालाई नेतृत्वको विकास गर्दै लैजान महिलाको पहँुच आर्थिक नीति निर्माणमा महिलाको सहभागीता लगायतका विषयमा सहजीकरण गरेको पाल्पा जेसीज वर्ष २०२४ का अध्यक्ष अर्जुन कार्र्कीले बताउनु भयो ।
पाल्पा जेसीज बर्ष २०२४का अध्यक्ष अर्जुन कार्र्कीको सभापतित्वमा सम्पन्न भएको कार्यक्रममा तानसेन नगरपालिकाका प्रमुख प्रशासकीय अधिकृत हरिराम नागिलाल प्रमुख अतिथी रहनुभएको थियो । कार्यक्रमका संयोजक विनय खातीको स्वागत, मुल समारोह समितिका संयोजक विवेककाजी शाक्यको सञ्चालनमा समापन कार्यक्रम भएको थियो ।
