दाङ – कोरोना विशेष अस्पताल बेलझुण्डी दाङको आइसोलेसनमा भर्ना भएकामध्ये ९ जनाको परीक्षण रिपोर्ट नेगेटिभ आएको छ ।
अस्पतालमा भर्ना भएका अन्य ८ जनाको स्वाब परीक्षणका लागि प्रदेश जनस्वास्थ्य प्रयोगशाला भैरहवा पठाइएको छ ।
राप्ती गाउँपालिकाका ५ र तुलसीपुर उप-महानगरपालिका ३ जनाको स्वाब परीक्षणका लागि पठाइएको अस्पतालका सूचना अधिकारी कमल चन्दले जानकारी दिनुभएको छ ।
उनीहरुमध्ये राप्ती गाउँपालिकाका ५ जना कैलालीमा कोरोना देखिएको एक महिला आएको बसमा वीरगन्जबाट आएका र तुलसीपुरका तीन जना दिल्लीबाट आएका थिए ।
मंगलबार पठाइएका ९ जनाको जाँचमा कोरोना नभएको रिपोर्ट आएपछि उनीहरुलाई डिस्चार्ज गरिएको छ । यसैबीच पालिकाहरुले बनाएका विभिन्न क्वरेन्टीनमा अहिले ५१ जना बसेका छन् ।
