वैशाख २५ , चन्द्रौटा ।
कपिलवस्तुको शिवराज नगरपालिका –५ चन्द्रौटामा कार्यरत एक कामदारको निर्माण गर्दै गरेको घरको छतबाट खसेर मृत्यु भएको छ । मृत्यु हुनेमा शिवराज – ५ उमडिहवाका ३५ वर्षीय चिन्नु नाऊ रहेका छन् ।
गत वैशाख १९ गते निर्माणाधीन घरमा पानी राख्ने ड्रम भुइँबाट छतमाथि लैजाने क्रममा चिप्लिएर घाइते भएका नाउँको उपचारको क्रममा चितवनमा बिहिबार मृत्यु भएको वडा प्रहरी कार्यालय चन्द्रौटाका प्रहरी निरीक्षक दीपेश खरेलले जानकारी दिए ।
