जेठ १, दाङ ।
घोराही–तुलसीपुर सडकखण्डको नारायणपुर जलौरा चोकमामा मोटरसाईकल दुर्घटना हुँदा एकजनाको मृत्यु भएको छ।
दुर्घटनामा परी तुलसीपुर उपमहानगरपालिका–७ का ३१ वर्षीय विशाल थापाको मृत्यु भएको हो। पर्सेनीबाट घोराहीतर्फ जाँदै गरेको रा ५ प ३६८८ नम्बरको मोटरसाइकल बिहीबार बिहाद दुर्घटनामा भएको प्रहरीले जनाएको छ।
दुर्घटनामा सोही मोटरसाइकलमा रहेका सोही ठाउँका १३ वर्षीय हिक्की पुन गम्भीर घाइते भएका छन्। घाइते पुनको राप्ती स्वास्थ्य विज्ञान प्रतिष्ठानमा उपचार भइरहेको छ।
मोटरसाईकल दुर्घटना हुनुको कारण अनुसन्धान भइरहेको प्रहरीले जानकारी दिएको छ ।
