जेठ १३, कपिलवस्तु ।
कपिलवस्तुको विजयनगर गाउँपालिका ७ को मानपुरमा आगलागी भएको छ। आगलागीका कारण ९ घर र २ गोठ जलेर नष्ट भएका छन्।
स्थानीय रमेश यादवको गोठबाट दिउँसो १ बजेबाट आगलागी सुरु भएको थियो। आगलागीबाट मानवीय क्षति भने भएको छैन।
नेपाल प्रहरी, सशस्त्र प्रहरी र कृष्णनगर नगरपालिको दमकलले आगलागी नियन्त्रणमा ल्याएको थियो।
विजयनगर गाउँपालिकामा यसपटक भएको यो तेस्रो आगलागी हो। आगलागी पीडितहरुका लागी गाउँपालिकाले ५ हजार बरावरको खाद्यान्न सामाग्री राहत स्वरुप दिएको छ।
