जेठ २२ , पाल्पा ।
पाल्पाको रामपुर नगरपालिका १० थोत्रीबारीमा रुखबाट खसेर एक युवकको ज्यान गएको छ । रामपुर नगरपालिका १० कुमाल गाउँका खेम बहादुर कुमालका छोरा १७ वर्षिय झरना बहादुर कुमालको रुखबाट लडेर ज्यान गएको हो ।
विहिबार विहान ११ बजे तिर आँप टिप्न थोत्रिबारी टारी मुहान गएका उनी रुखबाट झर्ने क्रममा हाँगा भाँचिएर खसेको रामपुर १० का वडा अध्यक्ष लिल बहादुर गाहाले बताए । उनको घटना स्थल मै मृत्यु भएको प्रहरीले जनाएको छ ।
रामपुर अस्पतालमा पोष्टमार्टम पश्चात शव परिवारलाई बुझाईएको इलाका प्रहरी कार्यालय रामपुरका प्रहरी निरिक्षक भिम बहादुर कार्कीले जानकारी दिए ।
