असार १,पाल्पा ।
सोमवार पाल्पामा थप १० जना कोरोना सक्रमित थपिएका छन् । ज्रिल्लाको पूर्वखोला गाउँपालिकामा आज १० जना संक्रमित थपिएका हुन् । थपिनेहरुमा वडा नंं ५ विरकोट स्थित जनकल्याण आधारभुत विद्यालयको क्वारेन्टाइनमा बस्दै आएका वडा नंं १ का ६ जना पुरुष, वडा नंं २ का १ जना पुरुष र वडा नंं ४ का ३ जना पुरुष रहेका छन् ।
सक्रमित वडा नंं दुई र चारका ४ जना वडा नंं २ जल्पाको शम्भु माविको क्वारेन्टाइनमा बस्दै आएको जिल्ला स्वास्थ्य कार्यालयका निमित्त प्रमुख विश्वनाथ न्यौपानेले बताए । १० जना थपिएसंगै पूर्वखोला गाउँपालिकामा मात्र १२ जना कोरोना पोजेटिभ देखिएका छन् ।
गाउँपालिकाबाट ५० जनाको स्वाव परीक्षणको लागि पठाएकोमा ३५ जनाको रिपोर्ट आएकोमा १० जना पोजेटिभ र २५ जनाको नेगेटिभ आएको गाउँपालिकाका स्वास्थ्य संयोजक मोहन ढकालले जानकारी दिए । यो सँगै पाल्पामा कोरोना संक्रमितको संख्या ५० पुगेको छ ।
आईसोलेसनमा बसेका सक्रमितहरुको सबै स्वास्थ्य अवस्था सामान्य रहेको छ । पाल्पाबाट संकलित गरी पठाएको ६ सय स्वाव परीक्षण गर्न बाँकी रहेको स्वास्थ्य कार्यालयका निमित्त प्रमुख न्यौपानेले बताए ।
