असार १४,बागलुङ ।
समुदायस्तरमा कोरोना संक्रमण फैलिएपछि बागलुङको काठेखोला गाउँपालिका एक हप्ताका लागि ‘सिल’ गरिएको छ ।
बिहुँस्थित अमर मावि ‘क्वारेन्टिन’का भान्से र सुरक्षाकर्मीलाई कोरोना पुष्टि भएपछि आइतबार राति १२ बजेदेखि असार २० गतेसम्म सिल गर्ने निर्णय गरिएको हो ।
बैठकले दूध, एम्बुलेन्स, सुरक्षाकर्मी तथा निर्माणको सवारीबाहेक अन्य सवारी सञ्चालनमा रोक लगाउने जनाएको छ ।
जनप्रतिनिधि, कर्मचारी, स्वास्थ्यकर्मी तथा सुरक्षकर्मीबाहेक अन्यलाई हिँड्डुलमा समेत बन्देज लगाइएको छ ।
गाउँपालिकामा हालसम्म २६ जनामा कोरोना ‘पोजिटिभ’ देखिएको छ ।
