असार १७,रोल्पा ।
रोल्पाको गंगादेव गाउँपालिकाका एक पुरुषले क्वारेन्टिनमै झुन्डिएर आत्महत्या गरेका छन् । केहि दिनअघि विदेशबाट घर आई गंगादेव गाउँपालिका वडा नम्वर ५ को क्वारेन्टिनमा बसेका ३१ वर्षीय एभान नेपालीले बुधवार दिउँसो झुण्डिएर आत्महत्या गरेको रोल्पाका प्रहरी प्रमुख डिएसपी चित्रबहादुर गुरुङ्गले जानकारी दिए ।
दुवईबाट घर आएका उनी सार्वाजानिक क्यारेन्टाईन खाली नभएपछि असार १० गते देखि गाउँकै १ जनाको खाली घरको क्वारेन्टिनमा बस्दै आएका थिए । उनलाई सोही घरको छानाको धुरीबलामा झुन्डिएको अवस्थामा उनकै १० बर्षिय छोराले देखेर परिवारमा खबर गरेको डिएसपी गुरुङ्गले बताए ।
सार्वजनिक क्वारेन्टिन खाली छैन भनेर उनलाई एक्लो घरमा राखिए पनि भारतबाट आएकाहरुले भने उनलाई क्वारेन्टिनमा बस्न नदिएको बताएका छन् ।
