असार १९,बुटवल ।
रुपन्देहीको कञ्चन नदिमा पौडी खेल्ने क्रममा डुबरे १७ बर्षिय युवा बेपत्ता भएका छन।
कञ्चन गाउपालिका वार्ड नं. ४ स्थित कञ्चन कञ्चन नदिको ढावा किनारमा पौडी खेल्ने क्रममा कञ्चन ४ प्रगतिचोक बस्ने टेक बहादुर थापाका १७ बर्षिय छोरा अर्जुन थापा बेपत्ता भएको ईलाका प्रहरी कार्यलय रुद्रपुरले जनाएको छ।
दिउसो करिब १२ बजेको समयमा स्थानिय युवाहरु एञ्जल थापा,यमु थापा,समीर थापा,उमेश पुन,सन्तोष बराल,विशाल घर्ति , निल अजय आले, अर्जुन थापा लगायत पौडी खेल्न गएको र पौडी खेल्नेक्रममा अर्जुन थापालाई नदीमा आएको बाढीले एक्कासी बगाएर बेपत्ता भएको स्थानिय तथा पुर्व वडा अध्यक्ष गिर बहादुर थापाले जानकारी दिएका छन।
नदीमा बाढीको बहाव ठुलो भएको र बेपत्ता भएका थापाको खोजी कार्य गर्न गाह्रो भैरहेको इलाका प्रहरी कार्यलय रुद्रपुरले जानकारी दिएको छ।
