काठमाडौं ।
कोरोना संक्रमणका कारण थप एक जनाको मृत्यु भएको छ । गोरखा पालुङ्टार नगरपालिका ७ का ४४ वर्षिय पुरुषको कोरोनाका कारण मृत्यु भएको गोरखा अस्पतालले जनाएको छ ।
उनी मधुमेहका रोगी रहेको र आइसोलेसनमा उपचार गराइरहेको अवस्थामा आज बिहान ५ बजे मृत्यु भएको अस्पतालले जनाएको छ ।
ती व्यक्ति दीर्घरोगी रहेको र कोरोना संक्रमणसँगै निमोनियाबाट ग्रसित रहेको अस्पतालका निमित्त मेडिकल सुपरिटेण्डेन्ट डा. नविन थापाले जानकारी दिएका छन्।
उनमा हिजो साँझ कोरोना पुष्टि भएको थियो । यो संगै नेपालमा कोरोना भाईरसका कारण ज्यान गुमाउनको संख्या ३३ पुगेको छ ।
