असार २०,बुटवल ।
रुपन्देहीको कञ्चन गाउपालिका वार्ड नं.४ स्थित कञ्चन नदिमा शुक्रवार दिउसो पौडी खेल्दा नदीमा डुबेर बेपत्ता १७ बर्षिय युवा मृत अवस्थामा फेला परेका छन।
कञ्चन नदिको ढावा किनारमा पौडी खेल्ने क्रममा डुबेर बेपत्ता भएका कञ्चन ४ प्रगतिचोक बस्ने टेक बहादुर थापाको १७ बर्षिय छोरा अर्जुन थापा कञ्चन नदी भैरमघाटमा निर्माणाधिन कञ्चन नदी सिंचाई बाँधमा मृत अवस्थामा फेला परेको ईलाका प्रहरी कार्यलय रुद्रपुरले जनाएको छ।
शुक्रबार दिउसो स्थानिय युवाहरु संगै पौडी खेल्न गएको र पौडी खेल्ने क्रममा अर्जुन थापा नदीमा डुबेर बेपत्ता भएका थिए ।
स्थानियहरुले गए राती १२ – १ बजे सम्म खोजी गर्दा पनि फेला नपरेपछि आज बिहानै पुन नदीको किनारमा खोजी गर्दा कञ्चन नदी सिंचाई बाँधमा मृत अवस्थामा स्थानियहरुले फेला परे पछि ईलाका प्रहरी कार्यलय रुद्रपुरलाई जानकारी दिइएको थियो।
