२१ कार्तिक – दमकडा नमुना माध्यमिक विद्यालय तानसेन –९ दमकडालाई आर्थिक सहयोग प्राप्त भएको छ ।
दमकडा नमुना माविमा अध्ययनरत दृष्टिबिहिन विद्यार्थीहरुलाई तानसेन नगरपालिका वडा नम्बर ४ निवासी मगर समाजको देउसी भैलो समुहले दिपावलीको अवसरमा देउसी भैलो खेलेर सङ्कलन गरेको रकम बाट भोजन संगै आर्थिक सहयोग समेत गरेको हो ।
समूहका संयोजक बृहस्पति राना सहित टिमका ११ जना सहभागी कार्यक्रममा दिल बहादुर रानाले सबै विद्यार्थीलाई ५÷५ सय रुपैंया नगद प्रदान गर्नु भयो । त्यस्तै धन बहादुर बुढाथोकीले १० हजार रुपैंया र धर्म बहादुर गाहाले ६ हजार रुपैंया अक्षयकोषमा रहनेगरि प्रदान गर्नु भएको छ ।
विद्यालयका प्रधानाध्यापक मोहन प्रसाद सापकोटाले सहयोगी सबैलाई धन्यवाद व्यक्त गर्नुभयो ।
