बुटवल, १२ माघ । सिद्धार्थ राजमार्ग अन्तरगत बुटवल–पाल्पा सडक खण्डको केराबारीमा टिप्पर दुर्घटना हुँदा एक युवाको ज्यान गएको छ । जिल्ला प्रहरी कार्यालय पाल्पाले दिएको जानकारी अनुसार ना ८ ख ७९२४ नम्बरको टिप्पर सडकबाट खोलामा खसेको हो ।
बुधबार राती भएको दुर्घटनामा चालक स्याङ्जा गल्याङ नगरपालिका–१ का राम्दीका सरोज न्यौपानेको ज्यान गएको हो । दुर्घटनाभई टिप्पर सडकबाट खसेपछि घटना स्थलमा पुगेको प्रहरीले बुधबार राती खोजतलास गर्ने अवस्थामा चालकलाई फेला नपारेपछि विहिबार विहान पुनः खोजी गर्ने क्रममा उनी मृत अवस्थामा फेला परेका हुन् ।
