कपिलवस्तु ।
भारतबाट लुकिछिपी नेपाल प्रवेश गर्नेक्रममा कपिलवस्तुमा सशस्त्र प्रहरीको नियन्त्रणमा परेका प्रवासी नेपालीलाई भारतीय ‘क्वारेन्टाइन’मा पठाउन सुरु गरिएको छ ।
बुधबार दिउँसो दशगजामा अलपत्र परेका ३५३ जनामध्ये मर्यादपुर नाकामा रहेका ८८ जनालाई भारतीय सुरक्षाकर्मीको सहयोगमा भारतीय क्वारेन्टाइनमा पुर्याइएको हो ।
मर्यादपुरस्थित दशगजामा रहेका ८८ जनालाई भारतको खुनुवाबजार हुँदै रमवापुरको लालबहादुर शास्त्री उच्च माविमा निर्माण गरिएको क्वारेन्टाइनमा पठाइएको छ ।
दशगजामा अलपत्र परेका भारतबाट आएका नेपाली नागरिकले आफूहरुलाई भारतीय क्वारेन्टाइनमा नपठाएर नेपालकै क्वारेन्टाइनमा पठाउन माग गरेका छन् ।
जिल्लाको कृष्णनगर नाकामा भारतबाट आएका २६५ जना नेपाल–भारत सीमाको दशगजा क्षेत्रमै छन् ।
