१७ श्रावण २०७९
दाङ जिल्लाको राप्ती गाउँपालिकामा करेन्ट लागेर दुईजनाको मृत्यु भएको छ । ज्यान गुमाउनेमा श्रीमान् श्रीमती रहेका छन् ।
जिल्ला प्रहरी कार्यालय दाङका अनुसार सोमबार राप्ती गाउँपालिका वडा नम्बर २ बाहुनेपाटा बस्ने २८ वर्षीय बासु गाहा मगर र उनकी २५ वर्षीय श्रीमती हिमा गाहा मगरको करेन्ट लागेर घटना स्थलमै मृत्यु भएको हो ।
कपडा सुकाउने क्रममा करेन्ट लागेकी श्रीमतीलाई बचाउन श्रीमान् बासुले लठ्ठीले तारलाई हिर्काउँदा तार चुँडिएर उनको शरीरमा परेको प्रहरीले जनाएको छ ।
