नेपाल विद्यार्थी संघका पुर्व महामन्त्री ,नेपाली कांग्रेस महासमिति सदस्य तथा महिला नेतृ महेश्वरी कुवरद्वारा लिखित संघर्षको राजनीतिमा पाल्पा नामक पुस्तकको लोकार्पण सर्वोच्च कमाण्डर स्व.गणेशमान सिंहको २६औं स्मृति दिवसको अवसरमा कांग्रेस केन्द्रिय सदस्य, संविधान सभा सदस्य आदरणीय डा. आरजु राणा देउवा ज्युको प्रमुख आतिथ्यतामा एक कार्यक्रमको माझ सु.सम्पन्न हुने नेपाल विद्यार्थी संघका पुर्व महामन्त्री नेपाली कांग्रेस महासमिति सदस्य, महिला नेतृ महेश्वरी कुंवरले जानकारी दिनुभयो । प्रजातन्त्र पुनःस्थापनाका लागि भएको विसं २०४६ को जनआन्दोलनका सर्वोच्च कमाण्डर गणेशमान सिंहको २६औँ स्मृति दिवस विविध कार्यक्रम आयोजना गरी मनाइँदै छ । नेपाली राजनीतिमा त्याग र साहसको उच्च उदाहरणका रूपमा रहनुभएका सिंह सबैको निष्ठाको केन्द्र बन्न सफल हुनुभएको थियो । पुस्तकको लोकार्पण कार्यक्रममा सबैलाई सहभागी हुन लेखक कुंवरले आग्रह गर्नुभएको छ ।
