जेठ ११, दाङ ।
घोराहीमा रहेको एक कृत्रिम तालमा डुबेर एक युवकको मृत्यु भएको छ।
घोराही उपमहानगरपालिका १७ को गुलरियामा रहेको कृत्रिम तालमा डुबेर रोल्पा निवासी एक युवाको मृत्यु भएको हो।
मृत्यु हुने युवक घोराहीमा बस्ने रोल्पा रुम्टीगढी गाउँपालिका ९ रुम्टी निवासी २२ वर्षीय बिजय केसी रहेको जिल्ला प्रहरी कार्यालय दाङले जनाएको छ ।
घुम्न गएका युवा चिप्लिएर तालमा खसेको हुन सक्ने प्रहरीले जनाएको छ। उक्त तालमा यसअघि पनि एक युवाको डुवेर निधन भएको थियो ।
