जेठ १९ ,पाल्पा ।
पाल्पामा थप दुई जनामा कोरोना पोजेटिभ देखिएको छ । निस्दी गाउँपालिकाले निर्माण गरेको क्वारेन्टाईनमा रहेका दुई जना पुरुषमा सोमबार कोरोना सक्रमण पुष्टी भएको हो ।
भारतबाट फर्किएर क्वारेन्टाईनमा बस्दै आएका ११ जनाको पिसिआर परीक्षण गर्दा दुई जनामा कोरोना पोजेटिभ देखिएको जिल्ला स्वास्थ्य कार्यालयका निमिक्त प्रमुख विश्वनाथ न्यौपानेले जानकारी दिए । २ जना थपिए संगै पाल्पामा कोरोना संक्रमितको संख्या ५ पुगेको छ ।
प्रदेश जनस्वास्थय प्रयोगशाला भैरहवामा गरिएको परीक्षणमा १७ र ३६ वर्षका पुरुषमा सक्रमण पुष्टी भएको हो ।
आईतबार मात्र रैनादेवी छहराका दुई र माथागढी गाउँपालिकाका एक जनामा कोरोना संक्रमण पुष्टी भएको थियो ।
