जेठ २८, काठमाडौं ।
पूर्वी नवलपरासीमा थप ३ जनामा कोरोना भाइरसको संक्रमण देखिएको छ। गैंडाकोट नगरपालिकाका २ जना र देबचुली नगरपालिकाका एक जना कोरोना संक्रमण देखिएको हो।
आज भेटिएका संक्रतिमा गैंडाकोट नगरपालिका वडा नम्बर १३ र १४ का दुई पुरुषमा संक्रमण पुष्टि भएको हो।
यस्तै, देबचुली नगरपालिका– ४ का ४० वर्षीय पुरुषमा पनि कोरोना संक्रमण देखिएको छ। उनीहरु सबै भारतवाट आएर स्थानीय क्वारेन्टिनमा बस्दै आएका थिए ।
यस्तै भरतपुर अस्पतालमा गरिएको परीक्षणमा चितवनको कालिका नगरपालिका ६ जुटपानीका २० वर्षीय पुरुष र भरतपुर महानगरपालिका ५ का २८ वर्षीय पुरुष्मा पनि कोरोना संक्रमण पुष्टि भएको भरतपुर अस्पतालले जनाएको छ।
