काठमाडौं ।
आइसीसी विश्वकप क्रिकेट लिग २ अन्तर्गत स्कटल्याण्डमा हुने भनिएको त्रिकोणात्मक सिरीज स्थगित भएको छ ।
कोरोनाका कारण स्कटल्याण्ड क्रिकेट बोर्डले यो सिरीजलाई स्थगित गरेको जनाएको छ । बोर्डले विज्ञप्ती जारी गरेर नवौं चरणका खेलहरु स्थगित गरेको जनाएको हो ।
प्रतियोगितामा नेपाल नामिविया र स्कटल्याण्डले जुलाई चार देखि ११ सम्म खेल्ने तालिका तय भएको थियो ।
सन् २०२३ को एक दिवसिय विश्वकपको छनोट प्रक्रियाका रुपमा रहेको यो प्रतियोगिता पुनः सुरु गर्न आइसीसीसँगको छलफलमा मिति तोक्ने बताइएको छ ।
यसअघि कोरोनाकै कारण नेपालले नामिवियामा खेल्ने त्रिकोणात्मक सिरीजपनि आइसीसीले स्थगित गरेको थियो ।
