काठमाडौं । मुलुक अहिले बन्दाबन्दीको अवस्थामा छ । कोरोना भाईरसको संक्रमण बाट बच्न सम्पुर्ण मानिसहरु घरमा नै बस्दै आएका छन् । यस्तो अवस्थामा पनि घरबाटै सन्देश मुलक लघुचलचित्र ‘बुहारी’ निर्माण गरिएको छ ।
चलचित्रमा शिरोमणि दवाडी, संगिता बस्याल, सुदर्शन आचार्य, बिमला लम्साल, बियान थपलिया, शान्ति महर्जन, मुस्कान वाग्ले, कमला बस्नेत र बालकलाकार रिम्सा कार्कीले अभिनय गरेका छन् ।
अहिले पनि कतिपय ठाउँमा घरको काम बुहारीले मात्र गर्नुपर्ने सन्दर्भ लघुचलचित्र बुहारीको कथा बनाइएको हो ।
सबैजना घरमा भए पनि बुहारीले मात्र काम गर्नुपर्ने अवस्था अझै छ भन्ने देखाउन बुहारी निर्माण गरिएको निर्देशक पुरुषोत्तम बस्नेतले बताए । आफूले बुहारीलाई धेरै काम लगाउँदा आप्mनो छोरी पनि अन्त बुहारी भएर गएकी छ भन्ने कुरा बुभ्mनुपर्छ भन्ने सांकेतिक सन्देश लघुचलचित्रले दिने उनले बताए ।
अनिल कुमार महर्जनको सम्पादन रहेको बुहारी लघुचलचित्रको कास्टिङ डाइरेक्टर बसन्त अधिकारी हुन् । नेसन मिडिया ग्रुप प्रालिद्धारा निर्मित यो लघुचलचित्र नेसन टिभी नेपाल युट्युब च्यानलमा अपलोड गरिएको छ ।
