दिपक भट्टराई,
तानसेन नगरपालिकाका प्रमुख सन्तोषलाल श्रेष्ठले तानसेनको शिक्षाको विकासका लागि ‘बीग स्कुल’ को अवधारणा कार्यान्वयन गर्न आफुले पहल गरेको बताउनु भयो । अहिले तानसेनका केही विधालयहरुमा दुई सय विधार्थीहरु समेत नभएको तर पाँच सय विधार्थीहरु पठन पाठन गराउन सक्ने विधालयको क्षमता रहेका विधालयहरु खाली रहेका छन भौतिक संरचना राम्रा भएकाहरुलाई मर्ज गरेर गुणस्तरीय शिक्षा दिन सकेमा मात्र शिक्षामा फड्को मार्न सकिने बताउदै यसको कार्यनव्यनका लागि सम्बन्धीत निकार्यहरु छलफल गरेको र छिटै निश्कर्षमा जाने बताउनु भयो । गत वैशाख ३०, गते सम्पन्न स्थानीय तहको निर्वाचनमा आफु र आफ्नो समुहलाई विजयी बनाइ जिम्मेवारी प्रदान गरेल पछीका एक सय दिनको अवसरमा हाल सम्म भएका उपलब्धी सार्वननिक गर्ने क्रममा उहाँले अब तानसेनलाई शिक्षामा अगाडी बढाउन विधार्थी कम भएका विधालयलाई मर्ज गरेर बीग स्कुल बनाई अगाडी बढ्रनुको विकल्प नरहेको बताउनु भएको हो ।
शनिबार पत्रकार सम्मेलन गरी नगरप्रमुख श्रेष्ठले आफुहरुको टिम निर्वाचित भई आएको एक सय दिनको प्रन्ध बुदे उपलब्धीबारे जानकारी गराउनु भएको हो ।उँहाले नयाँ जनप्रतिनिधिले निर्वाचित भएपछी एक सय दिनमा १५ वटा काम गरेको दावी गर्नुभयो ।उँहाका अनुसार ०७८÷०७९ को बजेट निर्माण,कार्यपालिका बैठकमा विभिन्न विषयमा भएका निर्णणहरु विभिन्न समिति तथा उप समिति बनाउँदा वडा अध्यक्षहरुलाई नै जिम्मेवारी दिएको ,सामाजिक सुरक्षा भतामा केही विशेष निर्णय गरेको न्युनतम २० युनिटसम्म विद्युत खपत गर्ने तानसेन नगरबासीको शुल्क नगरपालिकाबाट भुक्तानी गरिदिने ,विभिन्न गैरसहकारी सस्थाहरु सगँ सहकार्य,सिद्घार्थ आर्थिक करीडोर अन्तर्गत विभिन्न पालिकाहरु सगँ छलफल गर्न बैठक बसेको ,विभिन्न स्थानमा भौतिक पुर्वाधारका काम गर्न अगाडी बढेका लगायतका कामको उपलब्धी बारे बताउनु भएको थियो ।
पत्रकारहरुको जिज्ञासाको जवाफ दिदै नगर प्रमुख श्रेष्ठले आफुले विना स्वार्थ नगरबासीको हितमा काम गर्ने बताउनु भयो । आफुले एक पैसापनि नखाने र खाने जो खोहीलाई कानुनको दायरामा ल्याई कारवाही गर्ने समेत उहाँको भनाई छ ।तानसेन नगरको फोहोर दीर्घकालिन रुपमा व्यवस्थापन गर्न नगर सरकारले पहल गरेको प्रमुख श्रेष्ठले बताउनु भयो । तानसेनलाई स्वास्थ्य शिक्षा र पर्यटनको साथै कृषि र पशुपालनबाट आत्मनिर्भर बनाउन विभिन्न संघसस्थाहरुको सहयोगमा कार्यक्रमहरु संचालन गरिएको जानकारी दिनुभयो । ‘तानसेन कोर वजार भन्दा ग्रामिण वडाहरु धेरै भएको नगरपालिका भएकोले हामीले कृषि र पशुपालनलाई महत्वका साथ अगाडी बढाएका छौं’ प्रमुख श्रेष्ठले भन्नुभयो । चालु आर्थिक वर्षमा १० करोड वढी राजश्व संकलन गर्ने महत्वाकांक्षी कार्यक्रम ल्याएको पनि उल्लेख गर्नुभयो ।तानसेनको सात स्थानमा सवारी पार्किङका लागि पहल भईरहेको बताउदै,छिटै समस्या समाधानका लागि ट्राफिक कार्यालय सगँ सल्लाहा गरि निचोडमा पुग्ने समेत बताउनु भयो । तानसेन खानेपानीो समस्या समाधानका लागी आफुले उपभोक्ता समिति सगँ बारम्बार छलफल गरेको बताउदै,उपभोक्ता समितिले नगरपालिकालाई जिम्मा दिएमा नगरपालिकाले नगर बासीलाई पानी खुवाउने उहाँको भनाई छ ।कार्यक्रममा नगर प्रवक्ता यादवसिंह कार्कीले कार्यपालिका बैठकको निर्णय सार्वजनिक गर्नुभएको थियो ।कार्यक्रममा प्रेस सल्लाहाकार मुक्ति प्रसाद न्यौपानेको सञ्चालनमा सम्पन्न भएको थियो ।
सम्बन्धित खवर
