काठमाडौं – स्वास्थ्य तथा जनसंख्यामन्त्री प्रदीप पौडेलले राजीनामा दिने तयारी गरेका छन्। राजनीतिक निकाय र पार्टी स्रोतका अनुसार, जेन–जी प्रदर्शन र बढ्दो राजनीतिक दबावका कारण मन्त्रीले आफ्नो पदबाट राजीनामा दिने निर्णयमा पुगेका हुन्।
पौडेलले राजीनामा दिने औपचारिक प्रक्रिया सुरु गर्ने तयारीमा रहेको स्रोतले जानकारी दिएको छ। यसअघि केही मन्त्रीहरूले नैतिक र राजनीतिक आधारमा पदत्याग गरिसकेका छन्, जसले सरकारभित्रको तनाव र अस्थिरता अझ स्पष्ट बनाएको छ।
जेन–जी पुस्ताको प्रदर्शनमा हालसम्म धेरै घाइते र मृत्यु भएका घटनाहरूले सरकारमाथि ठूलो दबाव सिर्जना गरेको छ। राजनीतिक विश्लेषकहरूले पौडेलको राजीनामा आगामी दिनमा सरकारको स्थायित्वमा थप असर पार्ने अनुमान गरेका छन्।
पार्टी भित्रका नेताहरूले पनि आगामी रणनीति र मन्त्रिपरिषद् फेरबदलमा छलफल सुरु गरेका छन्। स्वास्थ्य मन्त्रालयसँग सम्बन्धित नीति, कार्यक्रम र सरोकारवालाहरूले पनि पौडेलको राजीनामाले कार्यक्रम सञ्चालनमा अस्थिरता आउन सक्ने चेतावनी दिएका छन्।
सम्बन्धित खवर
