पाल्पा – कालीगण्डकी करिडोर सडकखण्ड अन्तरर्गत रामपुर–८, कुमराङ्गमा मोटरसाइकलको ठक्करबाट पैदलयात्री सहित पाँच जना घाइते भएका छन् । रामपुर–१०, रामटारबाट बेझाँडतर्फ जाँदै गरेको लु ६४ प ७२७६ नम्बरको मोटरसाइकलले आइतबार साँझ सडकमा हिँडिरहेका रामपुर–८, कुमराङ्ग निवासी ५२ वर्षीय पदम बहादुर सेनलाई ठक्कर दिँदा पाँच जना घाइते भएका हुन् ।
दुर्घटनामा परी पैदलयात्री सेन र मोटरसाइकलमा सवार चार जना घाइते भएको प्रहरीले जनाएको छ । दुर्घटनामा मोटरसाइकल चालक रामपुर नगरपालिका–१० हेक्लाङ्ग बस्ने १७ वर्षीय समिर नेपाली, सोही मोटरसाइकलमा सवार सोही स्थानका १६ वर्षीय अनुप विश्वकर्मा, १८ वर्षीय नविन रेश्मी मगर र १७ वर्षीय अश्विन विक घाईते भएको इलाका प्रहरी कार्यालयका प्रमुख लाल बहादुर सुनारले बताउनुभयो ।
घाइतेकाे उपचार रामपुर अस्पतालमा भइरहेकाे छ । घाइते मध्य पैदलयात्रीको सेन र चालकको अवस्था मध्यम रहेको र अन्यको अवस्था सामान्य रहेकाे अस्पतालले जनाएकाे छ ।
सम्बन्धित खवर
