२४ भदौ, काठमाडौं । काठमाडौंको कालिमाटी चोकमा जारी जेनजी आन्दोलनको क्रममा प्रहरीको गोली लागेर दुई प्रदर्शनकारीको मृत्यु भएको छ।
घटनाका विवरण अनुसार, मंगलबार दिउँसो करिब २ बजे प्रदर्शनकारी र प्रहरीले भिडन्त हुँदा गोली चलेको प्रत्यक्षदर्शीहरूले बताएका छन्। उनीहरूका अनुसार मृत्यु भएका युवालाई टाउकोमा गोली लागेको थियो।
प्रहरीका अनुसार झडप नियन्त्रणका लागि आवश्यक कदम चालिएको बताइएको छ। तर, प्रत्यक्षदर्शीहरू र स्थानीयबासीले प्रहरीको गोली प्रहारले हिंसा बढाएको दाबी गरेका छन्।
घटनापछि राजधानीमा तनावपूर्ण स्थिति बनेको छ। प्रहरीले प्रदर्शन नियन्त्रणका लागि कडा सतर्कता अपनाएको छ भने थप भिड र अनिश्चिता फैलिन नदिन आसपासका सडक र क्षेत्रहरूमा गस्ती बढाइएको छ।
नेपाली राजनीतिक विश्लेषकहरूले यो घटनालाई देशभर फैलिरहेको जेनजी आन्दोलनको उग्र रुप र सुरक्षा चुनौतीका रूपमा लिएका छन्। सामाजिक सञ्जालमा पनि यस घटनाप्रति तीव्र प्रतिक्रियाहरू आइरहेका छन्।
अधिकारिक पुष्टि अनुसार मृतकको नाम र उमेरबारे जानकारी आउन बाँकी छ। घटनाबारे थप अनुसन्धान जारी रहेको र दोषीमाथि कारबाही हुने प्रतिवद्धता दिइएको छ।
सम्बन्धित खवर
