११० औँ अन्तर्राष्ट्रिय महिला दिवस को अबसर पारेर पाणिनी गाउँपालिका ३, दुर्गाफाँटमा अर्घाखाँची ले पाणिनी( गाउँपालिकास्तरीय आधारभुत व्युटिसियन तालिमको सुरूवात गरिएको छ । गाउँपालिकाले चालू आर्थिक वर्षको लक्षित कार्यक्रम अन्तर्गत सो तालिम सञ्चालन गरेको हो ।
आज विश्वभर ूसमानताको पुस्ताः अन्त्य गरौं हिंसा, विभेद र असमानताू भन्ने नाराका साथ ११० औँ अन्तर्राष्ट्रिय महिला दिवस मनाइदैछ । सो दिवसको अवसर पारेर राखिएको तालिम उद्घाटन कार्यक्रममा बोल्दै प्रमुख अतिथि गाउँपालिकाका अध्यक्ष गौतमज्यूले गाउँपालिकाले लक्षित वर्गका लागि ल्याएका कार्यक्रममा सक्रिय सहभागी भइ सबैले आर्थिक(सामाजिक पक्षको विकासका लाग्नु पर्ने बताउनु भएको थियो । महिलाहरूका लागि विभिन्न शिपमुलक तालिम, शसक्तिकरण तथा नेतृत्व विकासका कार्यक्रमहरू आयोजना गरिदै आएको तर विगतमा त्यस्ता तालिमहरूमा सहभागीले सिकेको शिपलाइ व्यवहारमा उतार्न नसकेको र शिपलाइ व्यवसायिक बनाउन नसक्दा तालिम उपलब्धिविहिन हुन पुगेकोले सहभागीहरूले आफूले सिकेको शिपको उपयोग हुने गरी आयआर्जन तथा स्वरोजगार हुने तर्फ उन्मुख हुनु पर्नेमा जोड दिनुएको थियो । त्यस्तै व्युटिशियन तालिममा प्रशिक्षकहरूले आयातित केमिकलहरूको प्रयोगका साथ(साथै प्राकृतिक वस्तु र परम्परागत रूपमा घरमा प्रयोग हुदै आएका सामाग्रीहरूको समेत उपयोग गर्न सिकाउनु पर्ने विषयमा ध्यानाकर्षण गराउनु भयो । कुनै पनि श्रम सानो(ठूलो नहुने भएकोले सबैले श्रमको उचित सम्मान गर्नु पर्ने र महिलाहरूलाइ पारिवारिक जिम्मेवारीका साथसाथै आर्थिक सहभागितामा लाग्न यस्ता तालिम उपलब्धिमुलक हुने भएकोले तालिममा सहभागी हुन आउनु भएका सबैलाई शुभकामना दिनु भयो ।
गाउँपालिकाका उपाध्यक्ष लक्ष्मी गौतमज्यूले शिपलाई तत्काल व्यवहारमा उतार्न सकिने पेशामा लाग्न सबैलालाई आह्वान गर्नुभयो । जब सम्म नारीहरू आर्थिक रूपमा सक्षम हुदैनन् तब सम्म नारी समानताका कुरा कागजमा मात्र सिमित हुने भएकोले आफूमा अन्तर्निहित ज्ञान, शीपको उचित उपयोग गर्न र यस्ता शिपमुलक तालिममा सहभागी भई आयआर्जनमा सहभागी हुन र उद्यमशील बनुपर्ने बतानुभयो । महिलाहरूमाथि हुने विभेद, हिंसा र असमानताको अन्त्यका लागि पनि महिलाहरूले आफ्नो सक्षमता विकासमा जोड दिनु पर्ने वहाँको धारणा रहेको थियो । प्रमुख प्रशिक्षक मञ्जु के।सी।ले व्युटिशियन प्रति समाजमा रहेको धारणा परिवर्तन गर्न र परिवर्तनलाई आत्मसात गर्न सुरूवात आफैबाट गर्नुपर्ने र सिकाइ र काममा इमान्दारिता देखाउनु पर्ने विषयमा मत राख्नु भयो ।
गाउँपालिकाका सबै ८ वडाहरूबाट २० जना प्रशिक्षार्थीको सहभागिता रहएको कार्यक्रम एक महिना सम्म सञ्चालन हुने बताईएको छ, कार्यक्रमको प्रमुख अतिथि पाणिनी गाउँपालिकाका अध्यक्ष अच्युत गौतम विशिष्ठ अतिथि गाउँपालिका उपाध्यक्ष लक्ष्मी गौतमले रहनु भएको थियो । वडा नं ५ को वडा सदस्य पार्वता सुनार अतिथि तथा अध्यक्षता महिला, बालबालिका तथा समाज कल्याण इकाइ प्रमुख रमा पौडेलले गर्नु भएको थियो भने कार्यक्रमको सञ्चालन गाउँपालिकाका सामाजिक विकास शाखाका अधिकृत कमल कान्त खनालले गर्नु भएको थियो ।
सम्बन्धित खवर
