काठमाडौँ ।
नेपालमा कोरोना भाइरसको संक्रमणबाट थप एकजनाको मृत्यु भएको छ। स्वास्थ्य तथा जनसंख्या मन्त्रालयका अनुसार साउन ९ गते निधन भएका बझाङको बुंगल–३ का ६५ वर्षिय पुरुषमा मंगलबार संक्रमण पुष्टि भएको हो।
ती पुरुष गत असार २४ गते भारतको बैंग्लोरबाट बझाङ आइपुगेका थिए। उनलाई दमको समस्या रहेकाे स्वास्थ्य मन्त्रालयले जनाएकाे छ। योसँगै नेपालमा कोरोनाबाट मृत्यु हुनेको संख्या ४९ पुगेको छ।
यस्तै नेपालमा पछिल्लो २४ घण्टामा थप ३ सय ११ जनामा काेराेना भाइरसकाे संक्रमण पुष्टि भएकाे छ। यससँगै नेपालमा काेराेना संक्रमितको कुल संख्या १९ हजार ६३ पुगेकाे छ।
स्वास्थ्य मन्त्रालयका अनुसार पछिल्लो २४ घण्टामा झापाका ३, मोरङका १७, ओखलढुङ्गाका १, सप्तरीका १५, धनुषाका ८, महोत्तरीका ८, बाराका १, इलामका १ र पर्साका १४ जनामा काेराेना पुष्टि भएकाे छ।
यस्तै भक्तपुरका १, कपिलवस्तुका ३४, काठमाडौँका ४८, नुवाकोटका १, सिन्धुपाल्चोकका ४, दाङका १, गोर्खाका १, ललितपुरका ४, रामेछापका १, धनुषाका १, सर्लाहीका १, कास्कीका २, लमजुङका २ र स्याङजाका १८ जनामा पनि देखिएकाे छ।
त्यस्तै बाराका ४, रौतहटका १, मकवानपुरका १, दाङका ५, बाँकेका ३, नवलपरासीका ७, रुपन्देहीका २, सुर्खेतका ३, दैलेखका १, बझाङका ३, डोटीका ५८, अछामका १६, दार्चुलाका १, कैलालीका १८ तथा कञ्चनपुरका १ जनामा संक्रमण पुष्टि भएको स्वास्थ्य मन्त्रालयले जनाएकाे छ।
मंगलबार स्वास्थ्य तथा जनसंख्या मन्त्रालयकाे नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गाैतमले पछिल्लो २४ घण्टामा देशभर १ सय २१ जना काेराेना संक्रमित डिस्चार्ज भएको जानकारी दिए। यससँगै हालसम्म डिस्चार्ज हुनेहरुकाे संख्या १३ हजार ८ सय ७५ पुगेकाे छ।
यस्तै मंगलबार देशभर ५ हजार ३२ जनाकाे पीसीआर परीक्षण गरिएकाे स्वास्थ्य मन्त्रालयले जनाएकाे छ। मन्त्रालयका अनुसार मंगलबारसम्म देशभर १५ हजार ३ सय ३१ जना क्वारेन्टिनमा रहेका छन्।
