भदौ १९, बुटवल ।
बुटवल उपमहानगरपालिका १३ महिला १७ पुरुष गरी ३० जना सहित रुपन्देहीमा शुक्रबार ५७ जना कोरोना भाइरसका संक्रमित थपिएका छन ।
विभिन्न ल्याबमा गरिएका परिक्षण अनुसार आज साँझ ४ बजेसम्म विभिन्न ७ पालिकामा सो कोरोना भाइरस संक्रमित थपिए का हुन ।
स्वास्थ्य कार्यालय रुपन्देहीका भेक्टर कन्ट्रोल निरीक्षक केदारनाथ शाहका अनुसार सबैभन्दा बढी बुटवल उपमहानगरपालिका १३ महिला १७ पुरुष गरी ३० जना, सिद्धार्थनगर नगरपालिका क्षेत्रमा १० महिला र ५ पुरुष गरी १५ जना, तिलोत्तमामा ४ महिला र १ पुरुष गरी ५ जना, देवदहमा १ जना, रोहिणीमा ४ जना, सैनामैनामा १ र ओमसतियामा १ जनामा संक्रमण पुष्टि भएको छ।
जिल्लाका संक्रमितध्ये २८ जना महिला र २९ जना पुरुष हुन्। आज थपिएका संक्रमितसँगै जिल्लामा कुल संक्रमितको संख्या १ हजार १ सय ९० पुगेको शाहले जानकारी दिनुभयो।
एकै दिन ३ जना कोरोना संक्रमितको मृत्यु :
रुपन्देहीमा आज एकै दिन ३ जना कोरोना संक्रमितको मृत्यु भएको छ । बुटवलमा रहेको कोरोना विशेष अस्पताल, गौतमबुद्ध मुटु अस्पताल तथा सिद्धार्थनगर नगरपालिकामा होम आइसोलेशनमा रहेका गरी ३ जनाको मृत्यु भएको हो ।रुपन्देहीको सिद्धार्थनगर नगरपालिका वडा नं.७ निवासी ६४ वर्षिया महिलाको बुटवलमा रहेको गौतमबुद्ध सामुदायिक मुटु अस्पतालमा मृत्यु भएको छ ।
उच्च रक्तचाप, सुगर, मृगौला रोग र निमोनिया देखिएपछि उपचारको लागि अस्पतालमा भर्ना भएकी उनमा कोरोना संक्रमण देखिएको थियो । अस्पतालको आई.सि.यु.कक्षमा रहेको भेन्टिलेटरमा राखि उपचार भइरहेको उनलको आज विहान ८.४५ बजे मृत्यु भएको अस्पतालले जनाएको छ ।यसैगरी सिद्धार्थनगर नगरपालिकामा होम आइसोलेशनमा बस्दै आएका संक्रमितको मृत्यु भएको छ ।
स्वास्थ्य कार्यालय रुपन्देहीका कोरोना फोकल पर्सन केदार शाहका सिद्धार्थनगर-८ का ती पुरुष गृगौलाका रोगी थिए । मृगौलाले काम नगरेपछि चितवनकामा डाईगलोसीस गराउँदै आएका थिए ।मृगौलाले काम गर्न छाडेपछि उनको आज विहान ८ बजे मृत्यु भएको हो ।
यो सँगै रुपन्देहीमा शुक्रबार ज्यान गुमाउने संक्रमितको संख्या ३ पुगेको छ । आजै विहान बुटवल८ का ७८ बर्षिय पुरुषको कोरोना बिशेष अस्पतालमा मृत्यु भएको थियो ।
यससँगै जिल्लामा मृत्यु हुनेको संख्या १४ पुगेको स्वास्थ्य कार्यालयले जनाएको छ ।
सम्बन्धित खवर
