भाद्र २२, अर्घाखाँची
अर्घाखाँची जिल्ला को पाणिनी गाउँपालिकाले निजामति सेवा दिवसको अवसर पारेर उत्कृष्ठ कर्मचारी पुरस्कृत गरेको छ आ।व २०७६र७७ मा उत्कृष्ठ कार्य सम्पादन गर्ने कर्मचारीलाई पुरस्कृत गरेको हो । वि।स। २०१३ साल भाद्र २२ गते निजामति सेवा ऐन जारी भएको सम्झना स्वरुप प्रत्येक वर्ष भाद्र २२ गते निजामति सेवा दिवस मनाउने गरिन्छ । कोभिड १९ का कारणले यस वर्ष औपचारिक कार्यक्रम गरी दिवस मनाउन नसकिएता पनि गाउँ कार्यपालिकाको कार्यालयमा कार्यरत कर्मचारीहरुको उपस्थितिमा एक कार्यक्रमको आयोजना गरीएको थियो ।उक्त कार्यक्रमको अध्यक्षता गाउँ कार्यपालिकाको कार्यालयका प्रमुख प्रशासकीय अधिकृत मधुकृष्ण पौड्यालले गर्नुभएको थियो भने प्रमुख अतिथि को आतिथ्यता गाउँपालिकाका अध्यक्ष श्री अच्युत गौतम र विशिष्ठ अतिथिको आतिथ्यता गाउँपालिकाका उपाध्यक्ष श्री लक्ष्मी गौतमले गर्नुभएको थियो ।गाउँपालिकाको नवौं गाउँसभाले आ।व।२०७६।०७७ को कार्यसम्पादनका आधारमा उत्कृष्ठ कर्मचारीको पुरस्कार गाउँ कार्यपालिकाको कार्यालयका कार्यालय सहयोगी श्री माधब प्रसाद अर्याललाई प्रदान गर्ने निर्णय गरे बमोजिम निजामति सेवा दिवसको अवसर पारेर नगद रु १ लाख, सम्मान पत्र र दोसल्ला ओढाइ माधब प्रसाद अर्याललाई सम्मान गरिएको थियो । उक्त कार्यक्रममा मन्तब्य राख्दै प्रमुख अतिथि एवं गाउँपालिका अध्यक्ष अच्युत गौतमले गाउँपालिकाले जुझारु एवं युवा कर्मचारीहरु प्राप्त गरेकोले नवनियुक्त कर्मचारीहरुको उत्कृष्ठ कार्यसम्पादनका आधारमा गाउँपालिकाको समग्र प्रगति प्रतिविम्वित हुने भएकोले आफुलाई प्राप्त जिम्मेवारी कुसलतापुर्वक निर्वाह गरी जनताले स्थानीय सरकारको प्रत्याभुति गर्ने गरी सेवा प्रवाह गर्न अनुरोध गर्नुभएको थियो । स्थायी सरकारको रुपमा रहने कर्मचारीतन्त्रको निति तथा कार्यक्रम कार्यान्वयनका आधारमा जनताबाट चुनिएका सरकारहरुको सफलता(असफलता मापन हुने भएकोले कर्मचारीको कार्यसम्पादनको भुमिका महत्वपुर्ण रहने वताउनुभयो । त्यस्तै मन्तब्य राख्दै विशिष्ठ अतिथि एवं गाउँपालिका उपाध्यक्ष लक्ष्मी गौतमले युवा कर्मचारिहरुको नेतृत्वले समग्र गाउँपलिकाको समृद्धि र विकाशमा सकारात्मक भुमिका निर्वाह गर्नुपर्ने विषयमा जोड दिनुभयो । कर्मचारीहरुको तर्फबाट मन्तव्य राख्दै सामाजिक विकास शाखाका अधिकृत कमल कान्त खनालले आफू कार्यरत कार्यालयबाट पुरस्कृत हुनु गौरवको विषय भएकोले सवै कर्मचारीहरुले आफुलाई प्राप्त जिम्मेवारी र भुमिका निर्वाह गर्दा श्रृजनशील भइ कार्यसम्पादन गर्नुपर्ने मत राख्दै आगामि दिनमा ब्यवस्थापनलाई उत्कृष्ठ भित्रको उत्कृष्ठ कर्मचारी चयन गर्नुपर्ने बाध्यात्मक अवस्था श्रृजना गर्न कर्मचारीहरुलाइ उत्प्रेरित गर्नुभयो । कार्यक्रमका अध्यक्ष एवं प्रमुख प्रशासकीय अधिकृत मधुकृष्ण पौड्यालले टिम वर्क बाटै कार्यालयको प्रगति देखिने र कर्मचारीहरुको उच्च मनोवलले सकारात्मक उर्जा थप्ने भएकोले यस प्रकारका सम्मान तथा पुरस्कारले कर्मचारीहरुमा कुसल कार्यसम्पादनमा उत्प्रेरणा दिने भएकोले पुरस्कार तथा सम्मान कार्यक्रमको सोच अगाडि सारिएको बताउनुदै वहाँले सम्पुर्ण कर्मचारीहरुलाइ लगनशिल, अनुसासित, प्रतिवद्ध एवं तटस्थ रहि प्राप्त जिम्वेवारि निर्वाह गर्न आग्रह गर्नुभयो । गाउँकार्यपालिकाको कार्यालयको बैठक कक्षमा संचालन भएको सो कार्यक्रमको संचालन प्रशासन शाखाका अधिकृत इन्दिरा भुसालले गर्नुभएको थियो ।
सम्बन्धित खवर
