रुपन्देही ।
रुद्रपुर सामुदायिक बन उपभोक्ता समूह,कञ्चन४,रुपन्देहीको पांचौ परिषद भेला सम्पन्न भएको छ। साधारण सभामा उपभोक्ताहरुको उपस्थिती न्यून र सामुहिक छलफलमा जटिलता हुदै आए पछि उपभोक्ताहरुको आग्रह बमोजिम समूहको १८ औं साधारण सभाबाट परिषद प्रणालीमा भेलाको आयोजना गर्ने बिधान शंसोधन गरे पछि परिषद प्रणालीमा भेला गर्न थालिएको हो ।
परिषद भेलामा सहभागी परिषद सदस्य तथा बक्ताहरुले समूहबाट लामो समयदेखि काठ दाउरा नपाइएको र समूहले तत्काल काठ दाउरा उपलब्ध गराउनको लागि जिल्ला डिभिजन बन कार्यलयबाट आवस्यक प्रकृया पश्चात बिक्री बितरणको लागि फुकुवा गरिदिनु पर्ने माग राखेका थिए ।
परिषद भेलामा उपस्थित परिषद सदस्यहरुलाई सम्बोधन गर्दै कञ्चन गाउपालिकाका अध्यक्ष गोकर्ण बहादुर क्षेत्रीले कञ्चन पर्यटकिय हिसावले निकै ठूलो सम्वाभावना बोकेको गाउपालिका भएको हुदा कञ्चनका सामुदायिक बनहरुलाई पर्या पर्यटनको बिकास गर्न पर्ने र कञ्चनमा आउने पर्यटकहरुले कञ्चनवाट नया सम्भावना लिएर फिर्ता हुने आधार तयार गर्न सामुदायिक बन उपभोक्ता समूहलाई सुझाव दिनु भएको छ।
कञ्चनमा निर्माण भइरहेको कञ्चन सिंचाई बाँधलाई जलबिहारको रुपमा बिकास गरि सिंचाई बाँध देखि तुल्सीघाट सम्म भएपनि जल यात्रा गर्न सकिने जल बिहारको रुपमा बिकास गर्न गाउपालिकाले कार्ययोजना बनाउने तयारी रहेको बताउदै अधयक्ष क्षेत्रीले कञ्चनका बिभिन्न सामुदायिक बन भित्र भएका खुल्ला ठाउहरुमा बिभिन्न जडिबुटीका बिरुवाहरु लगाएर कञ्चनलाई जडिबुटीको हव बनाउन सकिने भएको त्यसको लागि आवस्यक योजना बनाउन सके गाउपालिकाले पनि आवस्यक सहयोग गर्ने बताउनु भएको छ।
रुद्रपुर सामुदायिक बन उपभोक्ता समूहको १० बर्षे दिगो तथा बैज्ञानिक बन ब्यबस्थापनमा आधारित बन ब्यबस्थापन कार्ययोजना २०७७ को समेत सार्वजनिक गर्दै अध्यक्ष क्षेत्रीले कञ्चनमा दैनिक रुपमा घर निर्माण कार्य तिव्र भइरहेको र झ्याल ढोकाको लागि आवस्यक काठ दाउरा नपाउदा उपभोक्ताहरुको गुनासो बढिरहेकोले डिभिजन बन कार्यलयले आवस्यक पहल गरी उपभोक्ताहरुको मागलाई सम्बोधन गर्न आग्रह गर्नु भएको छ।
यस्तै डिभिजन बन कार्यलय,रुपन्देहीका बन अधिकृत बोधराज सुवेदीले उपभोक्ताहरुको आवस्यकता र समयमै सामुदायिक बनहरुबाट आवस्यक परेको बेला आफुलाई आवस्यक परेको काठ दाउरा नपाएको पिडालाई आत्मसाथ गर्दा गर्दै पनि बन ब्यबस्थापन सम्बन्धी ऐन र नियमले पारेको अवरोधले उपभोक्ताहरुलाई समस्या दिएको प्रति आफुहरु पनि दुखित भएको बताउनु भएको ।
दिगो तथा बैज्ञानिक बन ब्यबस्थापनमा आधारित बन ब्यबस्थापनले सामुदायिक बनको दिगो बिकास हुने र कञ्चनमा बन पर्यटनको बिकास गर्न सकिने बताउदै बन अधिकृत सुवेदीले कञ्चनका सामुदायिक बनहरुमा जडीबुटी खेतीगरी नियमित आम्दानीको श्रोत बनाउन सकिने बताउनु भएको थियो ।
कार्यक्रममा वडा नं. ५ का वडा अध्यक्ष कृष्ण प्रसाद अधिकारीले कञ्चनको सुन्दर गहना भनेको नै कञ्चनमा रहेका सामुदायिक बन र कञ्चनसंग जोडिएका राष्ट्रिय तथा साझेदारी बन भएको बताउनु भएको छ।यदि कञ्चनका जनताहरुले बनको महत्व बेलैमा बुझेर सामुदायिक बन स्थापना नगरेको भए आज देखिएका हरेक सालको रुखहरुको ठाउमा घर हुने थियो भन्दै वडा अध्यक्ष अधिकारीले बन संरक्षणमा सामुदायिक बनहरुले पुर्याएको योगदानको स्रहना गर्नु भएको थियो ।
सामुदायिक बन उपभोक्ता महासंघ,रुपन्देही जिल्ला अध्यक्ष दिनानाथ आचार्यले बैज्ञानिक बन ब्यबस्थापनको नाममा नेपाल सरकारले बनको अत्याधिक दोहन गरेको आरोप लगाउनु भएको छ।बैज्ञानिक बन ब्यबस्थापनको नाममा गरिने बन फडानीले बर्षौं देखि बनको संरक्षण गर्दै आएका उपभोक्ताहरुको हित नगर्ने बताउदै सामुदायिक बनहरु आफ्ना उपभोक्ताहरुलाई काठ दाउरा बिक्री गर्न नपाउने बिभिन्न बहाना बनाएर नेपाल सरकारले रोक्का गरेको बिरुद्धमा महासंघ निरन्तर आन्दोलनमा रहेको बताउनु भएको छ।
४ हजार २ सय जना उपभोक्ता तथा १ सय ८७ जना परिषद सदस्य रहेको परिषद भेलामा रुद्रपुर सामुदायिक बन उपभोक्ता समूहको पुर्व अध्यक्षहरुको तर्फबाट प्रेमचन्द्र पोख्रेल,राजनैतिक दलहरुको तर्फबाट नेपाली कांग्रेस,कञ्चन गाउ समितिका उपसभापति यम बहादुर क्षेत्री लगायतले बोल्नु भएको कार्यक्रममा समूहका अध्यक्ष नाम बहादुर के.सी.ले समूहको बार्षिक प्रतिबेदन प्रस्तुत गर्नु भएको थियो भने उपाध्यक्ष भिम बहादुर थापाको स्वागत तथा कार्यलय सचिव तुलसी प्रसाद अधिकारीले कार्यक्रम संचालन गर्नु भएको थियो ।
४ सय ४६ हेक्टर बन क्षेत्रफल रहेको रुद्रपुर सामुदायिक बन उपभोक्ता समूह कञ्चनका ८ सामुदायिक बनहरु मध्ये सबै भन्दा धेरै बन क्षेत्रफल भएको समूह हो
सम्बन्धित खवर
