बुटवल ।
प्रथम तिलोत्तमा नगरपालिका माविस्तरीय छात्र छात्रा भलिबलको उपाधि क्रमशः कुंवरवर्ती इङलिस बोर्डिङ स्कूल प्रदीपनगर र नवज्योति बोर्डिङ स्कूल चार नम्बरले जितेका छन् ।
नगर खेलकुद विकास समिति तिलोत्तमाको आयोजना तथा कुंवरवर्ती इङ्गलीस बोर्डिङ स्कुलको संयोजनमा भएको प्रतियोगितामा सेन्ट जोसेफ मावि भलबारीलाई पराजित गर्दै कुंवरवर्तीले छात्रतर्फको उपाधि जितेको हो । यस्तै छात्रातर्फको फाइनलमा कुंवरवर्ती बोर्डिङ स्कूललाई पराजित गर्दै नवज्योति बोर्डिङ स्कूल चार नम्बरले उपाधि जितेको छ ।
छात्र भलिबलमा सेन्ट जोसेफ मावि उपविजेता र सिद्धार्थ बोर्डिङ स्कूल डिङगरनगर तेस्रो भएका छन् । छात्रातर्फ कुंवरवर्ती उपविजेता हुंदा सिद्धार्थ बोर्डिङ स्कूल तेस्रो भएको छ । छात्र र छात्रा दुवैतर्फको उपाधि विजेता,उपविजेता र तेस्रो हुने टिमले क्रमशः नगद ३० हजार,२० हजार र १० हजार रुपैया प्राप्त गरेका छन् । प्रतियोगितामा छात्रतर्फ नगरका १८ र छात्रातर्फ ११ विद्यालयको सहभागिता थियो ।
तिलोत्तमा नगरपालिकाले चालु आर्थिक वर्षमा विभिन्न विधाका खेल प्रतियोगिताका लागि ५० लाख रुपैयां वजेट छुट्टाएको नगरपालिकाका प्रवक्ता सुरेन्द्र श्रीले जानकारी दिए ।
सम्बन्धित खवर
