काठमाडौं ।
काउली एक तरकारीको रुपमा प्रयोग गरिन्छ । यो तरकारी जाडो महिनामा सजिलै उपलब्ध हुन्छ । जाडो महिनामा अधिकांश भान्सामा पाक्ने तरकारीहरु मध्येमा यो पनि पर्छ । काउली खानको लागि स्वादिष्ट हुन्छ र स्वास्थ्यको लागि पनि धेरै लाभदायक हुन्छ। यसले मुटु र क्यान्सर जस्ता गम्भीर रोगहरूको जोखिम कम गर्दछ र सजिलै पचाउन सकिन्छ।
हामीले दैनिक खाने काउलीको फाइदाहरु:
पौष्टिक पदार्थहरूमा धनी
पौष्टिक तत्वले भरिपूर्ण काउली क्यालोरीमा कम र भिटामिनहरूयुक्त हुन्छ । यसले शरीरलाई चाहिने सबै खनिज र भिटामिनहरू समावेश गर्दछ। एक कप काउलीमा ७७ प्रतिशत भिटामिन सी, २० प्रतिशत भिटामिन के, १४ प्रतिशत फोलेट, ९ प्रतिशत पोटेशियम र ८ प्रतिशत मैंगनीज हुन्छ। सबै पौष्टिक तत्त्वहरू प्रतिरोधात्मक क्षमता वृद्धि गर्न र शरीरलाई हर तरिकामा स्वस्थ राख्न आवश्यक छ।
गम्भीर रोगहरूको जोखिम कम गर्ने क्षमता हुन्छ
काउलीमा गम्भीर रोगहरूको जोखिम कम गर्ने क्षमता हुन्छ । एन्टीआक्सीडन्टहरूको एक राम्रो स्रोत हो, जसले कोषहरूलाई हानिकारक फ्रि रेडिकल र ईन्फ्लेमेसनबाट बचाउँछ। काउलीमा ग्लुकोसिनोलेट्स र आइसोथियोसाइनेट हुन्छ। यी दुबै एन्टिआक्सीडन्टहरूले क्यान्सर सेलहरू बढ्नबाट रोक्छन्।
ग्लुकोसिनोलेट्स र आइसोथियोसाइनेट्सले कोलोन, फोक्सो, स्तन र प्रोस्टेट क्यान्सरमा महत्वपूर्ण प्रभाव देखाउउने धेरै अध्ययनहरुले देखाएको छ । काउलीमा क्यारोटीनोइड र फ्लाभोनॉइड एन्टिआक्सिडन्ट हुन्छ जसले मुटु लगायतका गम्भीर रोगहरूको जोखिमलाई कम गर्दछ ।
कब्जियतको समस्याबाट छुटकारा
यसको सेवनले कब्जियतको समस्याबाट छुटकारा पाइन्छ । काउलीमा प्रशस्त फाइबर पाइन्छ। यसले शरीरमा स्वस्थ जीवाणु बढाउँछ, सूजन कम गर्दछ र पाचन बढाउँदछ। फाइबरको पर्याप्त सेवनले कब्जियत, डाईभर्टिकुलिटिस र आन्द्रा सुन्निने जस्ता समस्याबाट राहत दिलाउछ । अध्ययनका अनुसार, काउलीजस्ता फाइबरयुक्त तरकारीहरू खाँदा शरीरलाई रोगहरूदेखि टाढा राख्छ।
रोग प्रतिरोधात्मक क्षमता बढाउँछ
काउलीमा भिटामिन सी राम्रो मात्रामा पाइन्छ। भिटामिन सी ले शरीरमा एक एन्टीअक्सिडेन्ट को रूपमा कार्य गर्दछ। यसको एन्टीइन्फ्लेमेटरी गुणहरूले रोग प्रतिरोध क्षमता बढाउँछ, जसले शरीरलाई रोगहरू विरूद्ध लड्न मद्दत गर्दछ।
तौल घटाउनेमा प्रभावकारी
काउली तौल घटाउन पनि धेरै फाइदाजनक हुन्छ। यसमा धेरै कम मात्रामा क्यालोरी हुन्छ, त्यसैले तपाईं यसलाई प्रशस्त मात्रामा खान सक्नुहुन्छ। फाइबरमा धनी भएको कारणले, काउली खाएपछि भोक लाग्दैन, त्यसैले तपाई अन्य खानेकुरा खानबाट बच्नुहुन्छ । काउलीमा अधिक पानी सामग्री हुन्छ जुन वजन घटाउनमा निकै प्रभावकारी हुन्छ।
स्नायु प्रणाली मजबूत बनाउँदछ
काउलीमा कोलीन उच्च मात्रामा पाइन्छ। यो एक आवश्यक पोषक तत्व हो जुन सामान्य रूपमा मानिसहरूमा कमी भएको पाइनछ । एक कप काउलीमा ४५ मिलीग्राम कोलिन हुन्छ। कोलीनले सेल झिल्लीलाई बलियो बनाउँदछ र मस्तिष्कको विकासमा मद्दत गर्दछ। यस बाहेक, स्वस्थ स्नायु प्रणालीको लागि पनि यो आवश्यक छ। यो अल्जाइमर र डिमेन्शिया जस्ता रोगहरूमा पनि प्रभावकारी छ।
मधुमेहका बिरामीका लागि उपयोगी
काउलीमा सल्फरोफेन हुन्छ जसले मधुमेह र किडनी रोगको जोखिम कम गर्दछ। यो एन्टिआक्सीडन्टले ट्यूमरलाई बढ्नबाट रोक्दछ। सल्फोराफेनले उच्च रक्तचापलाई कम गर्दछ र धमनीहरूलाई स्वस्थ राख्न मद्दत गर्ने कुरा धेरै अनुसन्धानले देखाएको छ ।
कम कार्ब आहारको विकल्प
काउली धेरै गुणहरूमा धनी हुन्छ। कम कार्बको खाना जस्तो, तपाईं यसलाई अन्न र सिमीको ठाउँमा खान सक्नुहुन्छ। यसले शरीरमा तरकारीको मात्रा बढाउँने काम गर्दछ। कम कार्ब आहार खान रुचाउनेहरूका लागि यो धेरै लाभदायक हुन्छ। अन्नको तुलनामा काउलीमा कम कार्ब डाइट पाइने भएकोले यो फाइदाजनक रहेको छ । एजेन्सी
सम्बन्धित खवर
