दाङ ।
दाङमा एक व्यक्तिले ढुंगाले हानेर श्रीमतीको हत्या गरेका छन्।
इलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहका अनुसार तुलसीपुर उपमहानगरपालिका–७ का २५ वर्षीय पदम पोखरेलले २४ वर्षकी विपना रेग्मी पोखरेललाई ढुंगाले हानेर हत्या गरेका हुन्।
मंगलबार राति करिब ८ बजे ढुंगाले हान्दा गम्भीर घाइते भएकी विपनालाई उपचारका लागि राप्ती प्रादेशिक अस्पताल तुलसीपुर ल्याउँदै गर्दा बाटोमै मृत्यु भएको हो।
फरार रहेका पदमको खोजी भइरहेको प्रहरीले बताएको छ। विपनाकी चार वर्षीया छोरी छन्।
सम्बन्धित खवर
