बुटवल ।
शिक्षा तथा विज्ञान प्रविधिमन्त्री कृष्णगोपाल श्रेष्ठको राजीनामा माग गर्दै दलित समुदायले सोमबार बुटवलमा पुत्ला दहन गरेका छन् ।
संयुक्त दलित संघर्ष समिति रुपन्देहीले बुटवलको पुष्पलाल पार्कमा शिक्षामन्त्रीको पुत्ला दहन गर्दै जातीय भेदभावविरुद्ध प्रदर्शन गरेको छ।
सञ्चारकर्मी रुपा सुनारले जातकै कारण कोठाभाडामा नपाएको भन्दै काठमाडौं बबरमहलकी सरस्वती प्रधानविरुद्ध कारवाही माग गर्दै उजुरी दर्ता गरेकी थिइन् ।उक्त मुद्दाका अभियुक्त छुटाउन सरकारी दलबदलसहित मन्त्री श्रेष्ठ गएको भन्दै राजीनामा माग गर्दै पुत्ला दहन गरिएको हो ।
जात व्यवस्था अन्त्य गर, मान्छे भएर बाँच्ने अधिकार सुनिश्चित गर, सम्पूर्ण दलित एक हौं, जात व्यवस्था बचाउने सरकार मुर्दावाद जस्ता नारा लेखिएका प्लेकार्ड बोकेर प्रदर्शन गरिएको छ ।
संयुक्त दलित संघर्ष समिति रुपन्देहीका अध्यक्ष हरिओम विश्वकर्माले देशमा गणतन्त्र स्थापना हुँदासम्म पनि जातीय भेदभाव अन्त्य नभएकोमा आक्रोश पोखे । उनले ९९ प्रतिशत दलित समुदायले कोठा भाडा नपाउने समस्या भएको भन्दै मनुवादी समाज परिवर्तन गर्ने अभियानमा लाग्न अपिल गरे ।
बुटवलको पुष्पलालपार्कदेखि नाराबाजी गर्दै ट्राफिक चोकमा सभा गरिएको हो ।
सम्बन्धित खवर
