बुटवल ।
उपप्रधानमन्त्री तथा शहरी विकासमन्त्री राजेन्द्र महतोले संविधान विरोधी अभिव्यक्ति दिएको भन्दै रुपन्देहीमा पुत्ला दहन गरिएको छ ।
योङ कम्युनिष्ट लिग (वाईसीएल) सैनामैना नगर समितिले आइतबार मुर्गियास्थित पूर्व–पश्चिम राजमार्गमा प्रधानमन्त्री केपी शर्मा ओली र उपप्रधानमन्त्री महतोको पुत्ला जलाएका हुन् ।
प्रधानमन्त्री ओलीले एकपछि अर्को राष्ट्रघाती काम गर्दै गएको तथा उपप्रधानमन्त्री महतोले बहुल राष्ट्रिय राज्यको स्थापनाको लागि राष्ट्रिय मुक्ति आन्दोलनको तयारी गर्ने अभिव्यक्ति दिएका कारण उनीहरुको पुत्ला दहन गरिएको वाईसीएल सैनामैना नगर समितिका अध्यक्ष गोविन्द खरेलले बताए ।
पुत्ला दहनका क्रममा प्रहरीले रोक्न खोज्दा प्रदर्शनकारी र प्रहरीबीच केही समय धकेलाधकेल समेत भएको थियो ।
सम्बन्धित खवर
