नेपालगञ्ज ।
मोटरसाइकलको ठक्कर बाट बाँकेमा एक प्रहरी हवल्दारको मृत्यु भएको छ । दुर्घटनामा प्रहरी जवान घाइते छन्।
नेपालगञ्ज राँझा चोकमा ड्युटीमा खटिएका प्रहरी हवल्दार २९ वर्षीय भूपेन्द्रबहादुर शाहीको मोटरसाइकलको ठक्करबाट मृत्यु भएको हो। ड्युटीमै रहेका प्रहरी जवान ३५ वर्षीय नरेश चौधरी मोटरसाइकलको ठक्करले घाइते छन्। उनको नेपालगञ्ज नर्सिङ होममा उपचार भइरहेको छ।
जिल्ला प्रहरी कार्यालय बाँकेका एसपी श्यामकृष्ण अधिकारीका अनुसार मोटरसाइकलको ठक्करबाट घाइते हवल्दार शाहीलाई अस्पताल लैजाँदै गर्दा बाटोमै मृत्यु भएको हो।
मंगलबार बेलुकी सवा ८ बजेतिर नेपालगञ्जबाट कोहलपुरतर्फ आउँदै गरेको भे १० प ४७५७ नम्बरको मोटरसाइकलले ड्युटीमा रहेका उनीहरूलाई ठक्कर दिएको थियो।
बर्दिया राजापुरका २० वर्षीय मोटरसाइकल चालक सन्तोष बम सिंह ठकुरीलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
सम्बन्धित खवर
