जानका न्यौपाने पाल्पा
तिनाउ गाउँपालिका पाल्पाले कृषकहरूलाई मासुमा आत्मनिर्भरताका लागि बीउ बोका,बाख्रा तथा बंगुर विवरण गरेको छ । तिनाउ गाउँपालिका र हेफर प्रोजेक्ट नेपालको साझेदारीमा संचालित तिनाउ कृषि परियोजना अन्तर्गत वडा न ५ मरामकोटमा रहेकोे मरामकोट महिला उधमी समुहका सदस्यहरूलाई एक कार्यक्रमका बिच गाउँपालिका कृषकहरूलाई उन्नत जातको बाख्रा एवम बंगुर उपहार प्रदान गरिएको हो ।
गाउँपालिकले एक कार्यक्रमको आयोजना गरि समुहका ११ जना सदस्यलाई २२ वटा बाख्रा र १४ जना सदस्यलाई २८ वटा बंगुर र उन्नत प्रजातीको बोका समेत बितरण गरिएको छ । मुल समुहबाट उत्पादन भएका बाख्रा तथा बंगुर उपसमुहका सदस्यहरूलाई उपहारको रूपमा प्रदान गर्दै कृषकहरूलाई मासुमा आत्मनिर्भताका लागि समुहका सदस्यहरूले उपहार कार्यक्रम सञ्चालन गर्दै आएका छन ।
तिनाउका अधिकाश नागरिकहरूको कृषि एवम पशुपालनमा आश्रित रहेकोले कृषि एवम पशुपालनमा आधुनिकिकरण एवम व्यवसायीकिकरण नगर्दा सम्म पालिका नागरिकहरूको जीवनशैलीमा परिवर्तन नहुने भएकोले गाउँपालिकाले स्थानीय सरकारको अवधारणा अनुसार आधुनिक कृषि प्रणाली एवम पशुपालनलाई व्यवसायीकिकरण गर्नका लागि गाउँपालिका अगाडि बढेको गाउँपालिका अध्यक्ष एवम कार्यक्रमका प्रमुख अतिथि ओम बहादुर घर्ती मगरले बताए । गाउँपालिकाले आधुनिक कृषि प्रणाली अन्तर्गत कृषकहरूलाई हाते ट्याक्टर,घाँस काट्ने मेसिन,कुटानीपिसानी मेसिनको हस्तान्तरण लगाएतका आधुनिक यन्त्रहरूको वितरण गरिएको बताउदै हाल पशुपालनलाई व्यवसायीकिकरण गर्नका लागि बाख्रा र बंगुर पकेट क्षेत्र सञ्चालन गरिएको समेत बताएका छन्
कार्यक्रम वडा अध्यक्ष दल बहादुर दर्लामीले उपहार प्रदान गरिएका बाख्रा एवम वंगुरको व्यवसायीक रूपमा पालन गरि उत्पादन लिन कृषकलाई आर्गह गरे । गाउँपालिकाको आर्थिक सहयोग र हेफर प्रोजेक्टको सहकार्य सञ्चालन भएको बाख्रा एवम बंगुर पालन पकेट क्षेत्र कार्यक्रम अन्तर्गत कृषकहरूलाई उपहार प्रदान गरिएकोले आगामी दिनमा पशुपालनलाई थप विस्तारित गरि व्यवसायीक रूपमा अगाडि बढि आत्मनिर्भर हुन परियोजना संयोजक शिव न्यौपाने बताए। संयोजक न्यौपाने बितरण गरिएका बाख्रा तथा बंगुरका कुनै समस्या देखा परेका पशु प्राविधिकहरूलाई सम्पर्क गर्न आर्गह गर्दै गाउँपालिकाले आवश्यक सहयोग उपलब्ध गराउने बताउनुभयो
सम्बन्धित खवर
