दिपक भट्टराई पाल्पा ,२५ असार
रैनादेवि छहरा गाउँपालिका पाल्पाको आयोजनामा गाउँपालिका भित्रका सहकारी संस्थाका कर्मचारीहरूलाई ३ दिने सहकारी लेखा तालिम प्रदान गरेको छ।
सहकारीहरुले एकिकृत लेखा प्रणालीलाई त्रृटि रहित तरीकाले व्यवस्थापन गर्न तथा सहकारी सञ्चालन नियम तथा लेखा व्यवस्थापनका का लागी तालिमको आयोजना गरीएको गाउँपालिकाले जनाएको छ ।
कुखुरापालन, तरकारी खेती लगायतका क्षेत्रमा क्रियाशिल भई उद्यमशिल बनेकालाई सहकारीमा आवद्ध गराई संस्थागत रुपमा अगाडि बढाउनका लागि तालिम सञ्चालन गरिएको आयोजकले जनाएका छन् ।
तालिम प्र्रशिक्षकनेपाल सरकारका पुर्व उपसचिव कृष्ण नेपालले सहकारीलाई शुरु देखि नै व्यवस्थित, पारदर्शी र सबैको विश्वासनीय बनाउनका लागि लेखा प्रणालीलाई व्यवस्थित गराउनु पर्नेमा जोड दिनुभयो । सानो सानो पूँजि संकलन गरेर बनाइने सहकारीलाई व्यवस्थित गराएर सहकारीमार्फत आर्थिक तथा सामाजिक अवस्थमा सुधार ल्याउनका लागि वित्तीय अनुशासन अति महत्वपूर्ण हुने भन्दै उहाँले लेखा सम्बन्धी ज्ञानलाई व्यवहारमा कार्यान्वयन गर्न आग्रह गर्नु भयो ।
लेखा अधिकृत लिलामणी बस्यालले तालिममा लेखाको परिचय, सहकारीमा लेखाको महत्व, लेखाका विशेषता, आवश्यकता सहित सहकारीमा लेखा राख्ने तरिका लगायतका विषयमा सहजीकरण गरिएको जानकारी दिनुभयो ।
प्रमुख प्रशासकिय अधिकृत राजिव पन्थीले समुहमा वचत संकलन,आयआर्जन तथा क्षमता विकासका विभिन्न कार्यक्रम गर्दै आएका सहकारीहरुलाई संगठित गराई उनीहरुलाई थप आयआर्जनमा केन्द्रीत गराउन सहकारी व्यवस्थापन तालिमले सहयोग पुयाउने बताउनु भयो ।गाउँपालिकाका उपाध्यक्ष युवराज थापाले पालिकामा सहकारी सम्बन्धी कार्यक्रमहरू सञ्चालन गरेर सहकारी क्षेत्रको विकास गर्दै लगिने बताउनु भयो।
गाउँपालिका अध्यक्ष रुक्मागत भट्टराईले आम्दानी बढाएर तथा खर्च कटाएर बचत गर्दै सहकारीहरुले आफै लेखा राख्न सिकाउने तथा सहकारी संस्था दर्ता पछि लेखा व्यवस्थापनका लागि तालिम सहयोगी भएको बताउनु भयो ।
समापन समारोहमा कार्यक्रमका प्रमुख अतिथि गाउँपालिका अध्यक्ष रूक्माङ्गत भट्टराईले सहभागीहरूलाई प्रमाण(पत्र तथा प्रशिक्षक श्रीकृष्ण नेपाललाई मायाको चिनो प्रदान गर्नुभएको थियो।
कार्यक्रममा सहभागीको तर्फबाट मेघराज भण्डारी र श्रीकृष्ण आत्रेयले आफ्ना भनाईहरू राख्नुभएको थियो। कार्यक्रमको अध्यक्षता गर्नुभएका आर्थिक विकास समितिका संयोजक तथा ३ नं वडाका वडाध्यक्ष प्रदीप पौडेलले चाँडै नै गाउँपालिकास्तरीय सहकारी सञ्जाल निर्माण गरिने जानकारी गराउनुभएको थियो।
कार्यक्रमको सहजीकरण तथा सञ्चालन गाउँपालिकाको सहकारी फाँटका कर्मचारी पारसमणि पाण्डेले गर्नुभएको थियो।
सम्बन्धित खवर
