कक्षा १ देखि १० कक्षासम्मका विद्यार्थी सहभागी हुने ७ औं पाल्पाएसक्यूसी सम्मेलन पाल्पामा हुने भएको छ । तानसेनमा पत्रकार सम्मेलन गरी भोली अर्थात भदौ २४ गते हुने सम्मेलनको सम्पूर्ण तयारी पूरा भएको आयोजकले जनाएको हो । कन्भेन्समा कक्षा १ देखि १० कक्षासम्मका विद्यार्थी सहभागी हुनेछन् । २२ वटा संस्थागतबाट २०३ जना विद्यार्थीले भाग लिने छन । २३ जना विद्यार्थी र शिक्षक अवलोकन गर्ने कार्यक्रम संयोजक रवि पाण्डेले जानकारी दिनुभयो ।
कोभिड १९ का कारण दुई वर्ष हुन नसकेको सम्मेलन यस पटक वृन्दावन एकाडेमी तानसेनमा हुन लागेको हो । विद्यार्थीलाई सैदान्तिक ज्ञान मात्र नभै सर्वाङ्गीण विकासका लागि विद्यार्थी गुणिय चक्र कार्यक्रम प्रभावकारी रहेको विद्यार्थीको व्यक्तित्व विकासका लागि शिक्षामा गुणीयचक्रका केन्द्रीय सदस्य खेमबहादुर सारुले बताउनु भयो उहाँले कार्यक्रममा कक्षा एक देखि १० सम्मका विद्यार्थीहरुको सहभागिता रहने बताउदै केन्द्रीय सदस्य सारुले चार जना देखि १० जना सम्मका विद्यार्थीहरुको समूह निर्माण गरी कक्षागत रुपमा समस्याको पहिचान,समस्याको कारण,समस्याको असर र प्रभावका साथै समस्या समाधानको उपायका विषयमा अनुसन्धान गरी त्यसको व्यवहारिक प्रयोग र जीवन उपयोगी शिक्षा लिन विद्यार्थी सफल बताउनु भयो ।
खासगरी विद्यार्थीमा अन्तर्निहित रहेका प्रतिभाको प्रस्फुटन गर्न यो कार्यक्रमले उपयोगी भूमिका निर्वाह गर्ने वृन्दावन एकाडेमीका प्रिन्सीपल भरत न्यौपानेले बताउनुभयो । आधुनिक शिक्षासँगै वैज्ञानीक तरिकाले संस्कारयुक्त ज्ञान प्राप्त गर्न कार्यक्रम प्रभावकारी हुने छ । बालबालिका रचनात्मक बन्ने उहाँले बताउनुभयो । सम्मेलनमा २२ विद्यालयका सहभागी विद्यार्थीले तयार गरेको २२ वटा विषयगत अध्ययनको प्रस्तुति हुने आयोजक वृन्दावन एकाडमीका प्रिन्सिपल भरतप्रसाद न्यौपानेले जानकारी दिनुभयो । यसका साथै समानन्तर छलफल, समापन सत्रलगायतका कार्यक्रम हुने छ । कार्यक्रम सम्मेलनका संयोजक रवि पाण्डेको अध्यक्षता तथा हबका सचिव इना रानाको सञ्चालनमा सम्पन्न भएको थियो ।
सम्बन्धित खवर
