पाल्पा– गठबन्धनका साझा उम्मेद्वार सोमप्रसाद पाण्डेयले रैनादेवी छहराको जुठापौवा, सत्यवती, बल्ढेङ्गढी क्षेत्रमा सडक र पर्यटनको विकासमा आफ्नो ध्यान जाने बताउनुभयो । उहाँले माथिल्लो क्षेत्रबाट नेपाने जुठापौवा सालझण्डी बाटो पिचगर्ने, सत्यवती लिफ्ट खानेपानी आयोजना संचालन गर्ने, जुठापौवा, चहला, रानीबगिया सडकको स्तरउन्नती गर्ने, बल्ढेंगढीलाई ऐतिहासिक गढिको रुपमा विकास गर्दै पर्यटकीय क्षेत्रको रुपमा विकास गर्ने बताउनुभयो । यस्तै यस क्षेत्रमा कृषि र पशुपालन व्यवसायको प्रचुर संभावना रहेकोले युवा स्वरोजगार र समृद्धिको लागि यस क्षेत्रमा विकासको लागि आफूले ध्यान दिने बताउनुभयो । गठबन्धनका साझा उम्मेदवार तथा पाल्पा क्षेत्र नं २ का प्रतिनिधि सभा सदस्य सोमप्रसाद पाण्डेयले पार्टीहरु मिल्नै पर्ने अवस्थामा गठबन्धन गरिएको बताएका छन् ।
उहाँले अहिलेको गठबन्धन कसैलाई मन्त्री, प्रधानमन्त्री बनाउनका लागि नभएको भन्दै देशले मागेका कारण गठबन्धन गरिएको बताउनुभयो । पाल्पाको रैनादेवी छहराका विभिन्न स्थानमा भएको घरदैलो कार्यक्रमपछिको कोण सभालाई सम्बोधन गर्दै पाण्डेयले यस्तो बताउनुभएको हो । उहाँले काँग्रेस र कम्यूनिष्ट पार्टी मिल्दा नै २०४७ सालमा बहुदल ल्याउन र २०६२÷६३ मा गणतन्त्र ल्याउन गठबन्धनको आन्दोलनहरु सफल भएको भन्दै अहिलेको गठबन्धन पनि त्यसैको उपज रहेको बताउनुभयो । उहाँले अहिलेको गठबन्धन भनेको संविधान सभाबाट निर्माण गरिएको लोकतान्त्रिक संविधानको रक्षा र कार्यान्वयनको लागि गरिएकाले गठबन्धनलाई ढुक्क भएर मत दिन आग्रह गर्नुभयो ।
उहाँले व्यक्तिगत स्वार्थका लागि जनतालाई दिग्भ्रमित नपार्न एमालेले चेतावनी समेत दिनुभयो । उहाँले पाल्पाको विकासमा आफूले जनताको हरेक सुख, दुखमा साथ दिएका कारण पनि यस पाली संक्रमणकालिन अवस्थामा आफूले जित्नै पर्ने बताउनुभयो । उहाँले विपक्षी नेताहरुसँग कुनै एजेन्डा नभएपछि जनतलाई दिग्भ्रमित गर्ने खालको काम गर्ने गरेकाले त्यस्ता भ्रममा नपर्न सबै मतदताहरुलाई आग्रह गर्नुभयो । रैनादेवी छहराका जुठापौवा, बल्ढेंगढी क्षेत्रको विकासमा गठबन्धन सरकारले महत्वपूर्ण भूमिका खेल्ने गठबन्धनका प्रदेश सभा (२) २ का उम्मेद्वार तुलाराम घर्ती मगरले जनाउनु भयो । उहाँले अब स्थानीय सरकार गठबन्धनबाट सफल भएको भन्दै प्रदेश, संघीय सरकार समेत बनाएर देशमा नीति अनुसारको नेतृत्व विकासमा गठबन्धनको जीत अपरिहार्य रहेको बताउनुभयो ।
कार्यक्रममा नेपाली काँग्रेसका केन्द्रीय सदस्य हरीप्रसाद नेपाल, नेता राजनप्रसाद पन्त, माओवादीकेन्द्रका नेताहरु नेत्र प्रसाद पाण्डेय, अनिलकिशोर घिमिरे, राजेन्द्र विश्कर्मा, एकिकृत समाजवादीका केन्द्रीय सदस्य यादव बहादुर रायमाझी, समानुपातिका उम्मेदवार अशोक कुुमार शाही, नरमती सिंजाली, काँग्रेस तानसेन नगर सभापति सुुवर्णमुनी शाक्य, काँग्रेस नेता यमलाल तिमिल्सीना, तरुण दलका तानसेन नगर सभापति सुुशील शाक्य लगायतले गठबन्धनको विजयीको लागि सबैको हातेमालो आवश्यक रहेको बताउनुभयो ।
सम्बन्धित खवर
