पाल्पा- पाल्पा क्षेत्र नं २ का वाम–लोकतान्त्रिक गठबन्धनका उम्मेदवारहरुले आफैले सुुरु गरेका विकास योजनाहरु सम्पन्न गर्न र विकासको नयाँ मार्ग कोर्नका लागि पुनः उम्मेदवारी दिएको बताएका छन् । यस अघि प्रतिनिधि सभा र प्रदेश सभामा प्रतिनिधित्व गरी पाल्पाको विकासमा उल्लेखीय काम गरेका गठबन्धनका उम्मेदवारहरुले मतदाताहरुसँगको भेटमा आफैले सुुरु गरेका विकासका योजनाहरु सम्पन्न गर्न र केही नयाँ विकासमा रेखाहरु कोर्न पुनःउम्मेदवारी दिएको बताएका हुन् ।
गठबन्धनका प्रतिनिधि सभा सदस्यका उम्मेदवार सोमप्रसाद पाण्डेयले पाल्पाको विकासुमा थुप्रै काम गरेको र केही विकासका योजनाहरु अगाडि बढेकाले ति योजना सम्पन्न गर्न पुनः उम्मेदवारी दिएको बताएका छन् । रैनादेवी छहराका विभिन्न क्षेत्रमा पुुगेर पाण्डेले आफ्नो उम्मेदवारी किन र के का लागि भन्ने कुरा मतदतालाई प्रष्ट पार्दै यस्तो बताएका हुन् । उनले पाल्पाको विकासमा आफूले जत्तिको कुनै पनि नेताले काम नगरेको भन्दै त्यसलाई सहि रुपमा परिचालन गर्दै समृद्ध नेपाल र विकसित पाल्पा बनाउने काममा आफूले अहोरात्र काम गर्ने बताउनुभयाे ।पूर्व उद्योग मन्त्री समेत रहेका पाण्डेले आपूmले उद्योगमन्त्री हुँदा हार्थोक सिद्देश्वर बाटोको लागि साढे चारकरोड आफूले नै पहल गरेर पारेको बताउँदै त्यसको स्तरउन्नतीमा समेत आफूले ध्यान दिने बताए । उनले यस क्षेत्रमा समस्याको रुपमा रहेको खानेपानी, सिंचाई, कृषि, पशुपालन लगायतको कामलाई योजना बनाई युवा स्वरोजगार र आयमुलक काममा प्रतिवद्धता सहित जनताको बाचा पूरा गर्ने समेत प्रतिवद्धता व्यक्त गरे । सिम्ले बसेनी सिंचाई, असारे र साउनेको खानेपानी,मरेङ चिसापानी खानेपानी आयोजनामा केन्द्रबाट तीन करोड बजेट आफूले नै पठाएको उनले बताउनुभयाे । पाण्डेयले पाल्पाको विकासमा गाउँगाउँबाट योजना बनाएर ल्याउन र त्यसको लागि कुनै पनि हालतमा बजेट कमी हुन नदिने बताउनुभयाे । सिद्देश्वरमा रहेको गुफालाई पर्यटकीय क्षेत्रको रुपमा विकास गर्ने भन्दै अब आर्थिक समृद्धि र आय आर्जन विकासमा आफूले पहिलो काम गर्ने उनले बताए । उनले कुशुमखोला देखी सल्लेधारा सम्म फलफूलको पकेट क्षेत्र बनाउने भन्दै कृषि, पशुपालन, सितभण्डार लगायतका क्षेत्रमा योजना ल्याएर काम गर्ने समेत बताउनुभयाे ।
प्रदेश सभा क्षेत्र नं २ (१) का उम्मेदवार, नेपाली काँग्रेस पाल्पाका निवर्तमान सभापति तथा लुम्बिनी प्रदेशका उर्जा जलस्रोत तथा सिंचाई मन्त्री वीरबहादुर रानाले पनि आफुु प्रदेश सांसद र मन्त्री हुँदा पाल्पाको सडक, कृषि, सिचाई र विद्युतको क्षेत्रमा उल्लेखीय काम सम्पन्न गरिसकेको र बाँकी केही कामहरु अगाडि बढेकाले ति कामहरु सम्पन्न गर्न पुनः उम्मेदवारी दिएको बताएका छन् । उनले बाँकी रहेका र केही गर्नुैपर्ने कामहरुका लागि आफुु फेरी प्रदेश सदस्यमा उम्मेदवारी दिएकाले मतदान गर्न मतदाताहरुलाई आग्रह गरेका छन् । उनले दुई तिहाईको अभिमत सहितको सरकारले संविधान विरोधी र जनभावना विरोधी गतिविधि गरेकाले यो गठबन्धन कसैलाई मन्त्री, प्रधानमन्त्री बनाउने स्वार्थले बनेको नभई मुलुकको आवश्यकताले बनेको भन्दै अहिले आफूहरुले जित्नु नै देश र जनताले जित्नु सरह भएको बताए । उनले अहिलेको गठबन्धन भनेको केपी ओलीले संविधानले कल्पनै नगरेको पटक–पटक संविधान च्यात्ने गरेर संसद भंग गर्ने जस्ता तानासाही र स्वच्छाचारी काम गरेकाले आफूहरुले गठबन्धन गर्नुपरेको बताउनुभयाे । देशमा एकल पार्टीलाई जनताले बहुमत पटक पटक दिएको भएता पनि ति मतहरु ति पार्टीले सफल बनाउन नसकेकोले अहिलेको आवश्यकता र जनताको म्यान्डेड भनेकै सबै दलहरु मिलेर जाउ र समृद्ध र विकसित मुलुक बनाउँ भन्ने सन्देश रहेकाले गठबन्धन गर्नुपरेको उहाँको भनाई छ ।
क्षेत्र नं. २ (२) का प्रदेश सभा सदस्य पदका उम्मेद्वार तथा नेकपा माओवादी केन्द्रका पोलिटव्यूरो सदस्य तुलाराम घर्तीले कम्यूनिष्ट र काँग्रेसको मिलनबाट नै देशको विकास हुने बताउनुभयाे । उहाँले विगतमा समेत काँग्रेस र कम्यूनिष्ट मिलेर नै देशको हरेक समस्याको समाधान गरेको बताउँदै यस पाली पनि केपी ओलीले गरेको संविधान विरोधी गतिविधिबाट मुक्त गर्न गठबन्धनले जित्नुपर्ने बताउनुभयाे ।
सिद्धेश्वर, सोमादी, भुवनपोखरी लगायतको क्षेत्रको घरदैलो गर्दै उनले हजारौं शहिदहरुको रगत र बलीदानी बगेर आएको गणतन्त्र र संघीयताको रक्षाको लागि पनि अहिलेको अवस्थामा कम्यूनिष्ट र काँग्रेस मिल्नु पर्ने बताए । उनले नयाँ संरचनामा प्रदेशमा विभिन्न कानून निर्माणको काम गरेर प्रदेशले संस्थागत र विकासका कामहरु सुरु गरेकोले ति सुचारु भएका कामहरुलाई पूरा गर्नको लागि यस पटक फेरी आफू उम्मेद्वार भएको भन्दै अधुरा काम पूरा गर्न र विकासको नयाँ मार्ग कोर्नको लागि वामलोकतान्त्रिक गठबन्धनको तर्फबाट आफू साझा उम्मेद्वार भएको बताउनुभयाे । हार्थोक– सिद्देश्वर सडकको स्तरउन्नती गर्ने, अमलावास, धजाबान्ने, सोमादी–सिद्देश्वर–वनवास बाटो, सिद्देश्वर मराङ्दी, चिसापानी खानेपानीको कामको लागि तीन करोड बजेट विनियोजन भएको बताउँदै त्यो काम अहिले सम्पन्न गर्ने गरी काम भइरहेको घर्तीले बताउनुभयाे ।
उनले साउने, देवले, अर्चले र असारे क्षेत्रको खानेपानी समस्या समाधान आफूले पहल गरेको भन्दै खानेपानीको ट्यांकी निर्माणको काम अन्तिम भएको भन्दै वाँकी काम अबको एक, दुई वर्षमै पूरा गर्ने बताए । सिम्ले कसेनी फाँट सिंचाई आयोजना, असारेको खानी क्षेत्रको समस्याको व्यवस्थापनको पहल गर्ने, कृषि, सिंचाई र युवा स्वरोजगारको निम्ति विशेषखालको प्याकेज ल्याउने घर्तीले बताउनुभयाे । उहाँले पाल्पामा आफू सांसद भएपछि आफ्नो निर्वाचन क्षेत्रमा सबैभन्दा बढी प्राथमिकतामा राखेर बजेट विनियोजन गरेकोले ति विनियोजित बजेटका कामको सम्पन्न र नयाँ विकासको कामको लागि गठबन्धन मार्फत आफूलाई विजयी बनाउन सबै मतदाताहरुमा उनले आग्रह गर्नुभयाे ।
सम्बन्धित खवर
