पाल्पा – नेपाल कम्यूनिष्ट पार्टी (माओवादी केन्द्र) का पोलिटव्यूरो सदस्य तथा पाल्पा क्षेत्र नं. (२) २ का प्रदेश सभाको उम्मेदवार तुलाराम घर्ती बसन्तले अहिलको निर्वाचन राजनीतिक अपराधीलाई परास्त गर्ने दिनको रुपमा रहेको बताउनुभएको छ ।आफूले जन्मदिने आमालाई दुई दुई पटकसम्म मार्ने राजनीतिक अपराधीको विरुद्धमा नेपाली जनताले उठाएको विद्रोह, आफूलाई प्रधानमन्त्री बनाउने संसदलाई दुई दुई पटक विघटन गरेर देशलाई कालो सुरुगमा धकेल्ने काम गरेको केपी प्रवृत्तिको विरुद्धको लडाई अहिलेको निर्वाचन रहेकोले अहिलेको निर्वाचनमा गठबन्धनका उम्मेद्वारहरुलाई विजयी बनाउनु पर्ने घर्तीले बताउनुभयो ।
उहाँले २००७ सालको क्रान्ति, पञ्चायत विरुद्धको आन्दोलन, जनआन्दोलन, जनयुद्ध लगायतका विद्रोहहरु काँग्रेस र कम्यूनिष्ट मिलेर सम्पन्न गरेकोले अहिलेको ओलीको तानासाही प्रवृत्ति र संविधान माथिको हस्तक्षेप रोक्न पनि काँग्रेस कम्यूनिष्ट गठबन्धन भएको भन्दै गठबन्धनको जीत नै देशको जित भएको घर्ती मगरले बताउनुभयो ।
उहाँले आफू प्रदेश सभामा निर्वाचित भएपछि ७२ वटा कानून निर्माण गरिसकेको र त्यही कानूनका आधारमा प्रदेशको विकासको खाका समेत कोरेको बताउनुभयो । उहाँले एएटा विधाएकको काम नीति निर्माण गर्ने नै हो तर गाउँमा जाँदा मतदाताले कानून र नीति कति बनायौं भन्नुभन्दा पनि जनचासोको विषय खानेपानी, सडक, सिंचाई, स्वास्थ्य, शिक्षाको आधारभूत आवश्यकता राख्ने गरेका कारण त्यसतर्फ पनि आफूले महत्वपूर्ण सहयोग गरेको बताउनुभयो ।
तिनाउँको दोभानमा आयोजित सभामा बोल्दै नेता घर्तीले आफूले आफ्नो क्षेत्रको २१ वटा वडामा जनताको विश्वास डग्मगाउन नदिएको भन्दै वाँकी रहेका कामको पूरा र थप विकासको योजना ल्याउनको लागि आफूलाई मत दिन सबै मतदाताहरुमा आग्रह गर्नुभयो । उहाँले आफ्नो क्षेत्रमा रहेको खानेपानी, सडक, सिंचाई, स्वास्थ्य, शिक्षा, युवा स्वरोजगार, पुल लगायतका क्षेत्रमा रकम करोडौं रकम विनियोजन भएकोले ति योजनाको पूर्ति र बाँकी रहेका काम सम्पन्न गर्न पुनः उम्मेद्वार भएको बताउनुभयो ।
तुलाराम घर्तीले पनि तिनाउको सत्वती र दोभान क्षेत्रको समग्र आर्थिक र पूर्वाधार विकासमा आफूले काम गरेको बताउँदै आगामी दिनमा समेत निरन्तरता दिने भएकाले गठबन्धनलाई विजयी बनाउनुपर्ने बताउनुभयाे । उहाँले झिगामारा, हरियाली गाउँ हुँदै अर्घाखाँची जोड्ने सडकको स्तरन्नोति गर्ने, तिनाउ गाउँपालिकाको पहुँचमार्ग निर्माणका लागि आवश्यक बजेट विनियोज गर्न पहल गर्ने बताउनुभयाे । उहाँले गाउँपालिका सम्म पहुँचमार्ग निर्माणका लागि आफुुहरुले प्रदेश सरकारबाट पटक–पटक बजेट विनियोजन गरे पनि तिनाउ गाउँपालिकाका निवर्तमान अध्यक्ष तथा प्रदेश सदस्यका उम्मेदवार ओम घर्तीले राजनीतिक प्रतिशोध राखेर काम नै नगरी बजेट फ्रिज गर्ने गरेका कारण काम हुन नसकेको आरोप लागाउनुभयाे ।
सम्बन्धित खवर
