नेपाल पत्रकार महासंघ पाल्पा शाखाको ३१औं स्थापना दिवस एवं साधारणसभा सम्पन्न भएको छ । कार्यक्रमका प्रमुख अतिथि जिल्ला समन्वय समिति पाल्पाका प्रमुख टंकनाथ खनालले शुभकामना दिनुहुँदै पत्रकारिता पेशा व्यवसायीक भएको बताउँदै निष्पक्ष पत्रकारिता गर्न आग्रह गर्नुभयो । विशिस्ट अतिथि नेपाल पत्रकार महासंघ लुम्बिनी प्रदेशका महासचिव विक्रम खड्काले पत्रकार भइरहन टिकाइ रहन र विश्वास दिलाउन अहिले पत्रकारितामा चुनौती रहेकोले त्यसतर्फ सबैले सोच्नुपर्ने बेला आएको बताउनुभयो ।
कार्यक्रममा नेपाली कांग्रेसका सभापति हिमालदत्त श्रेष्ठले प्रविधिको विकाससँगै अहिलेको पत्रकारिता अगाडी बढेको बताउँदै राज्यले पत्रकारलाई अंकुश लगाउँने गतिविधी नगर्न आग्रह गर्नुभयो पत्रकार समाजको ऐना भएको हुदाँ पत्रकारले ऐनाकै भूमिका निर्वाह गर्नुपर्ने बताउनुभयो । विकृति विरुद्ध पत्रकारले समाचार लेख्नु पर्छ । पत्रकारको हित र अधिकारका लागि राज्य जिम्मेवार हुनुपर्ने बताउनुभयो । नेकपा एमालेका अध्यक्ष धनेन्द्रराज घिमिरेले पाल्पाली जनताको जनजिविकाको बारेमा पत्रकारले कुरा उठाउनु पर्ने बताउनुभयो । उहाँले सुशासन कायम गर्ने गरी कलम चलाउनु पर्नेमा त्यसको लागि पत्रकारलाइ आफूले सहयोग गर्न तयार रहेको बताउनुभयो ।
नेकपा माओवादी केन्द्रका सचिव मथुरा ढकाल विकास र समृद्धिका लागि कलम चलाउनु पर्ने बताउनुभयो । उहाँले नेपालका सबै परिवर्तनमा पत्रकारको भूमिका महत्वपूर्ण रहेको स्मरण गर्नुभयो ।
राष्ट्रिय प्रजातन्त्र पार्टीका केन्द्रिय सदस्य तथा जिल्ला अध्यक्ष डुल बहादुर कुँवरले समाजका आँखा पत्रकार भएकोले सोही अनुसार समाजका विकृति देखाइदिने काम गर्नुपर्छ भन्नुभयो ।
राष्ट्रिय स्वतन्त्र पार्टीका सचिव सोमप्रसाद गैरेले पत्रकारिता जगतबाट नै देशमा परिवर्तनको लागि सकारात्मक पहल हुने बताउनुभयो । राष्ट्रिय जनमोर्चा पाल्पाका अध्यक्ष विशाल दर्लामीले पत्रकारिताबाट समाजको विकास र समस्या समाधानमा सहयोग हुने बताउनुभयो । उहाँले पत्रकार पत्रकारिता र समाज पत्रकारिताबाट नै बाच्ने बताउनुभयो ।
प्रमुख जिल्ला अधिकारी जगन्नाथ पन्तले सकारात्मक परिवर्तनको अपेक्षाका साथ गरिने पत्रकारिता व्यवसायीक भएको बताउँदै निष्पक्ष निष्पक्ष इमानदार भएर पत्रकारिताको प्रतिष्ठा उचो राख्ने गरी पत्रकारले कलम चलाउन सुझाव दिनुभयो । उहाँले पत्रकारिता पेशा अंगाल्ने भन्दा पनि यसले समाजका पुर्याएको योगदानलाइ सहि रुपमा मूल्यांकन गर्नुपर्ने बताउनुभयो ।
बगनासकाली गाउँपालिकाका अध्यक्ष सरस्वती चिदीले पत्रकारले गलतलाई खबरदारी गर्नुपर्ने र सहि निर्देश गर्नुपर्ने बताउनुभयो । रम्भा गाउँपालिका अध्यक्ष विष्णुप्रसाद भण्डारीले स्थानीय सरकार र पत्रकार बीचको सम्बन्ध नङ र मासुको जस्तै भएको बताउनुभयो । स्थानीय सरकारले गरेका काम बारे जस्ताको तस्तै बाहिर ल्याउन सुझाव दिनुभयो ।
पूर्वखोला गाउँपालिका अध्यक्ष नुनबहादुर थापाले पत्रकार भनेको समाजको गाउँमा रहेको साना तिना समस्या देखि विकासको समेत संवाहकको रुपमा काम गर्नुपर्ने बताउनुभयो ।
तानसेन नगरपालिका प्रमुख सन्तोषलाल श्रेष्ठले पाल्पाको पत्रकार महासंघको विकासमा नगरपालिकाले विगतदेखि नै सहकार्य गर्दै आएको र आगामि दिनमा समेत सोही अनुसारको सहयोग गर्ने बताउनुभयो ।
तिनाउ गाउँपालिका अध्यक्ष प्रेम श्रेष्ठले स्थानीय सरकार र पत्रकार बसेर पत्रकारिताको क्षेत्रमा सहकार्य गर्न तयार रहेको बताउनुभयो ।
नेपाल पत्रकार महासंघ पाल्पाका सल्लाहकार झपेन्द्र गहिरेले पत्रकार महासंघ स्थापना गर्दाको समयमा धेरै समस्याका बिचमा पनि पत्रकारिताको गरिमालाइ उचो बनाउन सफल भएको बताउनुभयो ।
नेपाल पत्रकार महासंघ पाल्पाका सल्लाहकार तथा पूर्व अध्यक्ष गोविन्द भट्टराईले पत्रकारहरुका साझा समस्याको समाधानका लागि महासंघ अगाडी बढेको बताउनुभयो। उहाँले पत्रकारिता क्षेत्रमा क्रियाशिल हरेक व्यक्तिलाई सबल बनाउने पत्रकारिता अबको आवश्यकता भएको बताउदै सञ्चार क्षेत्रमा राज्यको लगानी हुनुपर्नेमा जोड दिनुभएको छ । राज्यले अभिभावकीय भूमिका निर्वाह गर्नुपर्ने भए पनि राज्य सधैं शासकीय स्वभाव र शासकीय सोचका साथ प्रस्तुत हुँदा नेपाली पत्रकारिता अघि बढ्न नसकेको बताउनुभयो ।
प्रेस युनियनका उपाध्यक्ष माधव अर्याल प्रेस चौतारी नेपाल पाल्पाका अध्यक्ष कृष्ण कार्की लगायतले शुभकामना दिनुभएको थियो । कार्यक्रममा पत्रकार महासंघले प्रकाशन गरेको प्रवाह बुलेटिनको विमोचन समेत गरिएको थियो । साधारण सभाले सचिव यज्ञमूर्ति तिमिल्सिनाको सांगठनिक प्रतिवेदन र कोषाध्यक्ष मुक्ति न्यौपानेको आर्थिक प्रतिवेदन सुझाव सहित पारित गरेको छ ।
साधारण सभाको उद्घाटन सत्र नेपाल पत्रकार महासंघ पाल्पा शाखाका सभापति रेखिराम रानाको अध्यक्षता सचिव यज्ञमूर्ति तिमिल्सिनाको सञ्चालन र उपसभापति भरत शर्माको स्वागतमा सम्पन्न भएको हो ।
सम्बन्धित खवर
