तानसेन-माथागढी गाउँपालिका पाल्पाको आयोजनामा सहकारीहरूका लागि २ दिने “सहकारी तथा गरिबी सम्बन्धी व्यवस्थापन सूचना प्रणाली (COPOMIS) तालिम” सम्पन्न भएको छ ।
सहकारी संस्था व्यवस्थापनका लागि २ दिने copomis software सम्बन्धी तालिम चैत्र २८ सुरु भई २९ गते सम्पन्न भएको हो ।
पालिका भित्र कार्यक्षेत्र रहेका विभिन्न प्रकृतिका १७ वटा सहकारीका २९ जना सहकारी व्यवस्थापक तथा सहकारी कर्मचारीहरुका लागि प्रविधिको प्रयोगबाट छोटो समयमा उत्कृष्ट कार्य सम्पादन तथा व्यवस्थापनमा सहयोग पुग्ने उदेश्यका सहकारी तथा गरिबी व्यवस्थापन सूचना प्रणाली copomis software संचालन सम्बन्धी क्षमता अभिवृद्वी तालिमको आयोजना गरीएको गाउँपालिकाले जनाएको छ ।
समापन कार्यक्रमका बोल्दै विशिष्ट अतिथि तथा गाउँपालिकाका प्रमुख प्रशासकीय अधिकृत दिनेश ज्ञवालीले सहकारी संस्थाहरुको क्षमता विकास गर्नको लागि तालिमले औचित्य राख्ने बताउदै विभागको निती अनुसार पालिकाले सहकारीहरुका लागि तालिम आयोजना गरेको बताउनु भयो ।
प्रमुख अतिथि तथा गाउँपालिका अध्यक्ष यम बहादुर चिदीले यस्ता तालिम कार्यक्रमबाट सहकारी संस्थाहरुको कार्य संचालनमा बढी प्रभावकारिता रहने कुरा बताउनुभयो । उँहाले सहकारी संस्थाहरुको क्षमता विकास गर्नको लागि तालिमले महत्व पुर्ण भुमिका खेल्ने बताउदै तालिम पछि सहकारीहरु सहकारीको मुल्य मान्यता अनुसार सञ्चालन हुने धारणा राख्नु भयो ।
तालिमबाट गाउँपालिका र सहकारीको सम्बन्ध नजीक हुने,सहकारीहरु प्रविधि मैत्री हुने तथा आगामी दिनमा पनि थप प्रभावकारी रुपले अगाडी बढ्ने मदत पुगेको अध्यक्ष चिदीको भनाई थियो ।
तानसेन नगर पालिकाका सुचना प्रविधि अधिकृत तथा प्रशिक्षक प्रकाश गैरेले सहभागीहरूलाई copomis software सम्बन्धी प्रशिक्षण दिदै तालिम पछि सहकारीहरुलाई कार्यप्रगतिमा सहज हुने र यसबाट दोहोर सदस्य लिने प्रणली रोक्न,तथा मासिक विवरण राख्न सहकारीलाई सजिलो हुने बताउनु भयो ।
आर्थिक विकास समिति संयोजक तथा वडा न ३ का वडा अध्यक्ष तेज बहादुर घर्ती मगरले सहभागी सहकारी सबैलाई धन्यवाद दिदै तालिममा सिकेका कुरा सहकारीमा लागु गरी जनतालाई दिने सेवा गुणस्तरीय बनाउन आग्रह गर्नुभयो ।संयोजक घर्तीले copomis software मा सहकारी सगँ सम्बन्धित धेरै काम गर्न सकिने हुनाले यसको प्रयोग सहकारीका लागि अनिवार्य रहेको बताउनु भयो ।
गाउँपालिका अध्यक्ष यम बहादुर चिदीको प्रमुख आतिथ्यता प्रमुख प्रशासकिय दिनेश ज्ञवाली विशिष्ट अतिथि रहेको समापन कार्यक्रम आर्थिक विकास समिति संयोजक तथा वडा न.३ का वडा अध्यक्ष तेज बहादुर घर्ती मगरको अध्यक्षतामा सम्पन्न भएको थियो ।
सम्बन्धित खवर
